Med tego i copo peri mi ng’iyo i lembe

Ukwayu jaring kwaya mi ng’wec udhil ring’kume kara emedere nibedo jabodho. Rom rom kumeno, wacikara nitimo tego thiri thiri nimedo man niketho copo mwa mi ng’iyo i lembe umedere nibedo kakare. (Eb 5:14) Kadok saa moko wabed walubo tok paru mi jumange yot yot de, re wacikara nitiyo ku copo mwa mi nyamu i lembe wan giwa man nimaku yub mwa giwa. Pirang’o? Pilembe ng’atuman m’i kindwa biyero pire gire ni Mungu.​—Rm 14:12.

Wacikara ngo niparu nia wacopo maku yub ma cuu pilembe walimo batizo con. Kara wamak yub ma beco, wacikara nijengara zoo iwi Yehova, iwi Lembe pare, man iwi dilo pare.​—Yc 1:7, 8; Rie 3:5, 6; Mt 24:45.

NEN VIDEO MA THIWIYE TIE “BED KU PIDOCWINY MA CUU,” MAN I NG’EYE DWOK WANG’ PENJI M’ULUBO E:

• 

  Emma unwang’ere i wang’ yub ma kani m’ukwayu emaki?

• 

  Pirang’o wacikara ngo nitiyo ku paru mwa giwa i lembe m’uneno pidocwiny?

• 

  Juk ma kani mi rieko m’umego moko giku min ot pare gimiyo ni Emma?

• 

  Emma unwang’u gin m’ukonye i lembe m’enwang’ere i iye kani?