Niloko dwal

Matayo 20:31

LEMBE M’ICOPO TIMO: Kor lembe terere, man woth loko dwendi, mede ameda kunoke woth lore alora, wec pio pio kunoke yo yo pi nimio ava mi winjo ponji i kum dhanu.

KITE M’ICOPO TIMO KO:

• Ting’ dwendi kunoke lore alora. Ting’ dwendi pi niketho nwoc iwi lembe ma pigi tek kunoke nimio ava mi winjo lembe i kum dhanu. Tim bende kumeno kinde m’ibesomo giragora moko mi pokolembe, calu ve pokolembe pa Yehova iwi dhanu. Lor dwendi pi nimio ava mi lembe m’ibeciyero, kunoke pi niyero lembe moko ma nyayu ndiri man ma mio lworo.

• Tel i wec kunoke peye apeya. Tel dwendi kinde m’ibenyutho nia piny moko tie ma dwong’ kunoke e ma bor. Pey dwendi kinde m’ibeyero lembe moko mi can kunoke ma mio adieng’acwiny.

• Wec nyapio pio kunoke yo. Wec nyapio pio kinde m’ibeyero lembe moko ma copo mio anyong’a ni dhanu. Wec yo kinde m’ibeyero lembe moko ma pire tek.