MIIRI ZOO I TIC MI RWEYO LEMBANYONG’A | MED ANYONG’A PERI I TIC MI RWEYO LEMBANYONG’A
Mul adunde dhanu
Woro Mungu ai i adunde. (Rie 3:1) Pieno, kinde ma wabeponjo dhanu, ukwayu waii nimulo adundegi. Wacopo timo nenedi?
Kud iponj ng’atu m’iponjo kude Biblia ku lemandha mi Biblia kende, ento keth enyang’ i kite ma lembene umulo ko kume man winjiri pare ku Yehova. Konye enyang’ i kite ma cik mi Biblia ubenyutho ko mer pa Mungu, berocwiny pare, man bedopwe pare. Penje ku woro man ku bodho pi nikonye ekeeng’iyere gire nia ebewinjere nenedi i kum lembe m’ebeponjo. Konye ekeenyam i lembe iwi bero m’ecopo nwang’u kan eloko nen pare man timo pare ma rac. Kan ibeneno ng’atu m’iponjo kude Biblia umaku bemaru Yehova, adundeni bipong’ ku mutoro.
NEN VIDEO MA THIWIE TIE MED BODHO PERI KARA INWANG’ ANYONG’A LEE I TIC MI KETHO DHANU DOK JULUB—MUL ADUNDE DHANU, MAN I NG’EYE DWOK WANG’ PENJI M’ULUBO E:
Pirang’o Neeta upenjo Jade ku penji ma e: “Nyo idong’ inyamu de i lembe ma waweco i wie kas’acel ca?”
Neeta ukonyo Jade nenedi ninyang’ i kite ma cik mi Biblia ubenyutho ko nia Yehova umare?
Tek wamulo adunde ng’atu ma waponjo kude Biblia, eno bicwale nitimo mediri
Neeta ukonyo Jade nenedi ninyamu i lembe iwi kite m’ecopo nyutho ko nia emaru Mungu?