Nwang’ kaka ma cuu pi ponji

Nyo imaru ing’ey lembe lee nikadhu kud i ponji peri? Lembe m’ulubo e copo konyi kara ibed iketh wii cuu kinde m’ibeponjo piny:

• Sai kaka ma cuu. Tek ecopere, nwang’ kaka ma leng’ man ma lero m’i iye copo ketho isomo piny cuu. Iromo bedo iwi kom i dhu meza kunoke iromo nwang’u kaka moko ma ber mandha woko.

• Sai kaka ma ling’. Yesu ubed ung’iyo nirwo “kugweno pir” i “kaka ma ling’.” (Mark. 1:35) Tek ecopere ngo iri ninwang’u kaka m’iromo bedo i iye kendi, nyuth program peri mi ponji ni jupewu kunoke ni ju ma wubedo kugi man kwaygi nia kud gisendi i saane.

• Keth wii cuu. Kud iwek piny moko uwing wii. Tek ibetiyo ku telefon kunoke tablet pi ponji peri, mito ineg dwal moko ci kunoke ikethe i mode avion kara kud enyoth wii i saane. Man tek iparu pi lembe moko m’ukwayu itim, kiew lembene i karathasi man itim lembene i ng’eye. Tek niketho wii cuu utie lembe ma tek, keyom nyanok kunoke keriey kumi.