Kubo cal bikonyi nipoy i kum gin m’iponjo

Ju dupa m’i kindwa ginwang’u nia e tek igi nipoy i kum gin ma giponjo. Saa moko nyo in de lembuno betimi. Re nyo idaru neno de nia jupoy yot yot i kum lapor pa Yesu? Icopo nenogi ku yor i paru peri, man eno copo konyi nipoy i kumgi. Kumeno bende, icopo poy i kum lembe ma dupa m’iponjo nwang’u ibenenogi. Iromo timo kumeno nenedi? Nikadhu kud i kubo cal mi ponji m’inwang’u.

Wang’ ma pol dhanu ma gikubo cal mi ponji ma nyen ma ginwang’u gipoy i kumgi ma ber mandha. Ginwang’u nia bodho maeno konyo ninyang’ i wec kende ngo, ento bende i paru ma pigi tek. Cal migine de bedo mi bodho ma hai ungo. Ubenwang’ere ke nia kubo ponji i cal konyo asagane dhanu m’utii.

Macen kinde m’ibeponjo piny, iromo pimo nikubo cal moko mi gin m’iponjo. Saa moko nyo ii biwang’ lii pi kadhiri piny m’ibipoy i kumgi!