Nwang’ bero i kum verse ma juorojo i igi

I Biblia—Lok mi ng’om ma nyen junwang’u verse ma juorojo i igi m’utie ku winjiri ku verse mange m’i Biblia, man gicopo konyi ninwang’u lembe mange ma pigi tek. Junyuthogi i ayi mi nyiguta ma thindho thindho i thum pa wec. I Biblia mi karatasi, say nyiguta ma rom eno i diere mi mbaya pi ninwang’u giragora mange. I jw.org kunoke i JW Library, dii wi nyigutane pi ninwang’u giragora mange.

Verse ma juorojo i igi copo teri iwi lembe m’ulubo e kunoke mange:

Verse ma lembe m’i igi urombo: Bikonyi ninwang’u verse mange m’uweco iwi lembe ma rom. Ku lapor, nen 2 Samwel 24:1 man 1 Lemkei 21:1.

Verse ma judwogo i wigi: Bikonyi ninwang’u kaka ma wec m’isomo uai i iye. Ku lapor, nen Matayo 4:4 man Poy mi Cik 8:3.

Lembila m’upong’o: Bikonyi ninwang’u giragora m’uweco iwi lembila man pong’o pare. Ku lapor, nen Matayo 21:5 man Zekaria 9:9.