Yesu ‘uponjo nibedo wor’

Saa ceke Yesu ubed unyutho woro ni Yehova. (Yoh. 8:29) Dong’ pirang’o ke Biblia uyero nia “eponjo nibedo wor nikadhu kud i masendi m’enwang’ere ko”?—Ebr. 5:8.

Kinde ma Yesu ubino iwi ng’om, enwang’ere ku masendi dupa m’ubino mbe i polo. Junyodo pare gibed gitimo ni Yehova, re gibino ku dubalaga. (Luka 2:51) Enwang’ere ku peko i cing’ judong dini ma weg umbili man jubim ma weg gondiri. (Mat. 26:59; Mark. 15:15) Man etho ku tho mi litho. Biblia uyero nia “ejwigere en gire man edoko wor nitundo i tho.”—Filip. 2:8.

Masendi ma Yesu unwang’ere ko uketho eponjo ninyutho woro i kite ma nwang’u fodi eponjo ngo i wang’e. I ayi maeno re m’edoko Ubimo ma pwe man Jalam ma dit ma kisa nege i kumwa. (Ebr. 4:15; 5:9) I ng’ey m’eponjo ninyutho woro nikadhu kud i masendi, pire udoko tek lee i Yehova. Wan bende piwa bidoko tek lee i Yehova man ebikonyowa nipong’o rwom ceke m’emiyo iwa, tek wabemedara ninyutho woro kadok i saa mi peko de.—Yak. 1:4.