Tiel cwiny jumange

Wan ceke anyong’a negowa pi tielocwiny ma wanwang’u kud i bang’ umego ku nyimego mwa. Wanwang’u tielocwiny maeno, ungo kende kende pilembe ya wadikara karacel. Biblia uwacu nia “watiel cwinywa i kindwa nikadhu kud i yiyoyic mwa.” (Rum. 1:11, 12) Wacopo tielo cwinywa i kindwa nenedi?

Tiel cwiny jumange ku wec peri. Ku lapor, kinde ma wabedwoko wang’ penji i coko, mito ngo wawec kwa piwa giwa kunoke pi kwo mwa, ento wawec iwi lembe ma waponjo iwi Yehova, i Biblia man iwi jutic pare ma wegbedopwe. Ka wabeweco ku juyic wadwa, wacopo ng’iyo niweco iwi lembe ma gierojo.

Tiel cwiny jumange ku yub m’ibemaku man timo peri. Ku lapor, copere nyo ng’atu moko ung’iyo nitimo tic mi saa ceke kadok ebenwang’ere ku peko dupa de. Jumange lundo gibeii nitielo coko mi kind yenga kadok gitie ku tic m’ubecamu igi saa ma lee kunoke gitie twoyo ma pek.

Nyo wec kunoke timo peri ubetielo cwiny umego ku nyimego peri? Nyo in de ibed iyiyo tielocwiny ma gibemiyo iri?