የጥናት እትም

ይሖዋ በሺዎች ለሚቆጠሩ ዓመታት ከአገልጋዮቹ ጋር በተለያዩ ቋንቋዎች የሐሳብ ልውውጥ ሲያደርግ ቆይቷል። ይሖዋ፣ አገልጋዮቹ የተለያዩ ቋንቋዎችን መጠቀማቸው ሳያግደው ለሰው ልጆች ሐሳቡን እንዴት እንዳስተላለፈ በእነዚህ ርዕሶች ላይ እንመረምራለን። በተጨማሪም በ2013 ተሻሽሎ የወጣውን ጨምሮ አዲስ ዓለም ትርጉም የአምላክን ስም በማስቀደስና ፈቃዱ እንዲታወቅ በማድረግ ረገድ ከፍተኛ አስተዋጽኦ ያደረገው እንዴት እንደሆነ እንመለከታለን።

የመናገር ችሎታ ከአምላክ ያገኘነው አስደናቂ ስጦታ ነው። በዚህ ርዕስ ላይ ከንግግራችን ጋር በተያያዘ ሦስት ነጥቦችን እንመረምራለን። በተጨማሪም ይህ ርዕስ የኢየሱስን ምሳሌ በመከተል የመናገር ችሎታችንን አምላክን በሚያስከብርና ሌሎችን በሚጠቅም መንገድ እንድንጠቀምበት ያበረታታናል።

ሁላችንም እንታመማለን፤ ታዲያ በመጽሐፍ ቅዱስ ውስጥ ስለተመዘገቡት ፈውሶች ምን አመለካከት ሊኖረን ይገባል? ሌሎች ሰዎች ከጤና ጋር የተያያዙ አስተያየቶችን ሲሰጡን የትኞቹን ነገሮች ግምት ውስጥ ማስገባት ይኖርብናል? ይህ ርዕስ ለእነዚህ ጥያቄዎች መልስ እንድናገኝና ከሕክምና ጋር በተያያዘ የራሳችንን ምርጫ እንድናደርግ ይረዳናል።