የርዕስ ማውጫ

ለይሖዋ የትኞቹን ስእለቶች ተስለሃል? ስእለትህን ለመፈጸም የምትችለውን ሁሉ እያደረግክ እንደሆነ ይሰማሃል? ራስህን ስትወስን ወይም ትዳር ስትመሠርት የገባኸውን ቃልስ ጠብቀህ እየኖርክ ነው? ይህ ርዕስ ለአምላክ የገቡትን ቃል በመጠበቅ ረገድ ዮፍታሔና ሐና የተዉትን ግሩም ምሳሌ ያብራራል፤ ይህን መመርመራችን እኛም ለአምላክ የገባነውን ቃል ለመጠበቅ ይረዳናል።

ብዙውን ጊዜ የምናስበው ይሖዋ በገነት ውስጥ ስለሚሰጠን ነገሮች ነው፤ በዚህ ርዕስ ውስጥ ግን ይሖዋ የሚያስወግዳቸውን ነገሮች እንመለከታለን። ይሖዋ ሰላም የሰፈነበትና አስደሳች ዓለም ለማምጣት የትኞቹን ነገሮች ያስወግዳል? የዚህን ጥያቄ መልስ መመልከታችን እምነታችንን የሚያጠናከረው ከመሆኑም ሌላ ለመጽናት የሚያስችል ኃይል ይሰጠናል።

በራሳችንም ሆነ በሌላ ሰው ላይ የፍትሕ መጓደል እንደተፈጸመ ሲሰማን እምነታችን፣ ትሕትናችንና ታማኝነታችን ሊፈተን ይችላል። እነዚህ የጥናት ርዕሶች ፍትሕን በተመለከተ የይሖዋ ዓይነት አመለካከት ለማዳበር የሚረዱንን ሦስት ምሳሌዎች ያብራራሉ።

ይሖዋ ምንም የሚጎድለው ነገር የለም፤ ያም ሆኖ ሉዓላዊነቱን የመደገፍ ልባዊ ፍላጎት እንዳለን መመልከት ያስደስተዋል። መሳፍንት ምዕራፍ 4 እና 5 ይሖዋ፣ እሱ የሚሰጠንን ግልጽ መመሪያ በተግባር ለማዋል የምናደርገውን ጥረት ከፍ አድርጎ እንደሚመለከተው ያሳያል።