የመታሰቢያውን በዓል የሚመለከቱ ማሳሰቢያዎች

የመታሰቢያው በዓል የሚከበርበት ቀን ማክሰኞ ሚያዝያ 2 ከመድረሱ በፊት ትኩረት ሊሰጣቸው የሚገቡ ጉዳዮች እነሆ:-

◼ ተናጋሪውን ጨምሮ ሁሉም ሰዎች በዓሉ የሚከበርበት ትክክለኛ ሰዓትና ቦታ ሊነገራቸው ይገባል።

◼ ትክክለኛው ዓይነት ቂጣና ወይን መዘጋጀት ይገባዋል።— የካቲት 15, 1985 የእንግሊዝኛ መጠበቂያ ግንብ ገጽ 19 ተመልከቱ።

◼ አመቺ የሆነ ጠረጴዛ፣ የጠረጴዛ ልብስ፣ ሳህኖችና ብርጭቆዎች ቀደም ብለው ወደ መንግሥት አዳራሾቹ መጥተው መቀመጥ ይኖርባቸዋል።

◼ የመንግሥት አዳራሹ ወይም ሌላው የመሰብሰቢያ ቦታ ቀደም ብሎ በሚገባ መጽዳት ይኖርበታል።

◼ አስተናጋጆች እንዲሁም ቂጣውንና ወይኑን የሚያዞሩት አስቀድሞ ሊመረጡና ተገቢ የሆነውን የአሠራር ሥርዓትና የእነርሱን ተግባር በተመለከተ መመሪያ ሊሰጣቸው ይገባል።

◼ የአካል ችግር ያለባቸውንና በቦታው መገኘት የማይችሉትን ቅቡዓን ለማስተናገድ ዝግጅት መደረግ ይኖርበታል።

◼ የበዓሉ ሥርዓት በአንድ የመንግሥት አዳራሽ ውስጥ ከአንድ ጊዜ በላይ እንዲከናወን ታቅዶ ከሆነ በኮሪደሩ፣ በመግቢያው፣ በሕዝብ መተላለፊያዎችና በመኪና ማቆሚያዎች ላይ ጭንቅንቅ እንዳይፈጠር በጉባኤዎቹ መካከል ጥሩ ቅንጅት ሊኖር ይገባል።