የመታሰቢያውን በዓል የሚመለከቱ ማሳሰቢያዎች

በዚህ ዓመት የመታሰቢያው በዓል የሚከበረው ሐሙስ፣ ሚያዝያ 1 ነው። ሽማግሌዎች ለሚከተሉት ጉዳዮች ትኩረት ሊሰጡ ይገባል:-

◼ ስብሰባው የሚደረግበትን ሰዓት ስትወስኑ ቂጣውና ወይኑ ፀሐይ ከመጥለቋ በፊት መዞር እንደሌለባቸው አስታውሱ። ኃላፊነት ያለባቸው ወንድሞች የስብሰባውን ሰዓት እንዲሁም ቂጣና ወይን ማዞርን በሚመለከት የሚያዝያ 27, 1998 ደብዳቤን መከለስ አለባቸው።

◼ ተናጋሪውን ጨምሮ ሁሉም ተሰብሳቢዎች በዓሉ የሚከበርበት ትክክለኛ ሰዓትና ቦታ ሊነገራቸው ይገባል።

◼ ተገቢው ዓይነት ቂጣና ወይን ተዘጋጅቶ መቀመጥ አለበት።—መጠበቂያ ግንብ 2-106 ገጽ 17⁠ን ተመልከቱ።

◼ ሳህኖች፣ ብርጭቆዎች እንዲሁም ተስማሚ የሆነ ጠረጴዛና የጠረጴዛ ጨርቅ ወደ መንግሥት አዳራሹ መጥተው ቀደም ብሎ በየቦታቸው መቀመጥ ይኖርባቸዋል።

◼ የመንግሥት አዳራሹም ሆነ ሌላ የመሰብሰቢያ ቦታ ቀደም ብሎ በሚገባ መጽዳት አለበት።

◼ አስተናጋጆች እንዲሁም ቂጣውንና ወይኑን የሚያዞሩ ወንድሞች ቀደም ብሎ ሊመረጡና ተገቢ ስለሆነው አሠራርና ስለተሰጣቸው የሥራ ድርሻ መመሪያ ሊሰጣቸው ይገባል።

◼ የአካል ጉዳተኞችንና በቦታው መገኘት የማይችሉትን ቅቡዓን ለማስተናገድ ዝግጅት መደረግ ይኖርበታል።

◼ የበዓሉ ሥነ ሥርዓት በአንድ የመንግሥት አዳራሽ ውስጥ ከአንድ ጊዜ በላይ እንዲደረግ ፕሮግራም ተይዞ ከሆነ በመተላለፊያዎች ላይና በግቢው ውስጥ ጭንቅንቅ እንዳይፈጠር በጉባኤዎቹ መካከል ጥሩ ቅንጅት ሊኖር ይገባል።