ከቤት ወደ ቤት ስናገለግል መልካም ምግባር ማሳየት

ክርስቲያኖች ለዓለም እንደ “ትርዒት” ናቸው። (1ቆሮ 4:9) በመሆኑም፣ አንዳንድ የቤት ባለቤቶች በመስኮት ቢመለከቱን ወይም ከበራቸው ጀርባ ቆመው ቢያዳምጡን ሊያስገርመን አይገባም። እንዲያውም የምናንኳኳው ቤት የምናደርገውን ነገር ለማየት፣ ለመስማትና ለመቅዳት የሚያስችል የደህንነት ካሜራና ማይክሮፎን የተገጠመለት ሊሆን ይችላል። ከቤት ወደ ቤት ስናገለግል መልካም ምግባር ማሳየት የምንችልባቸው አንዳንድ መንገዶች ከዚህ በታች ቀርበዋል።—2ቆሮ 6:3

በድርጊታችን (ፊልጵ 1:27)፦

• ቤታቸውን አጮልቀን ለማየት ባለመሞከር የግለሰቦቹን ነፃነት እንደምናከብር እናሳይ። በሩ ላይ ቆመን መብላት፣ መጠጣት፣ ስልክ መደወል ወይም የጽሑፍ መልእክት መላክ የለብንም

በንግግራችን (ኤፌ 4:29)፦

• በሩ እስኪከፈት ስንጠብቅ የቤቱ ባለቤት አጠገባችን ቢሆን የማንናገረውን ምንም ነገር መናገር የለብንም። እንዲያውም አንዳንድ አስፋፊዎች የቤቱ ባለቤት በሩን እስኪከፈትላቸው ድረስ ከአገልግሎት ጓደኛቸው ጋር የሚያደርጉትን ጭውውት ያቆማሉ፤ ይህም ቀጥሎ የሚናገሩትን ለመዘጋጀት ያስችላቸዋል

ከቤት ወደ ቤት ስናገለግል መልካም ምግባር ማሳየት የምንችልባቸው ምን ሌሎች መንገዶች አሉ?