ለጥናት የሚረዱ ሐሳቦች

የመጠበቂያ ግንብ የኢንተርኔት ቤተ መጻሕፍት ላይ የሚገኙ ማመሣከሪያዎች

ማመሣከሪያ ጽሑፎቻችን ስለተለያዩ ርዕሰ ጉዳዮች ለመማር ይረዱሃል። ኢንተርኔት ላይ ከሚገኙ ማመሣከሪያዎች መካከል በአማርኛ የምርምር መርጃ መሣሪያ ለይሖዋ ምሥክሮች፣ በሌሎች በርካታ ቋንቋዎች ደግሞ የቃላት መፍቻ፣ ቅዱሳን ጽሑፎችን ጠለቅ ብሎ ማስተዋል እና የመጠበቂያ ግንብ ማኅበር ጽሑፎች ማውጫ ይገኙበታል።

የመጠበቂያ ግንብ የኢንተርኔት ቤተ መጻሕፍት ላይ ያለው መፈለጊያ ማመሣከሪያዎችን ለመጠቀም ይረዳሃል። በመፈለጊያ ሣጥኑ ላይ መጻፍ ስትጀምር ከሣጥኑ በታች አማራጭ ቃላት ይመጣሉ። ቃሉ በማመሣከሪያ ጽሑፎች ውስጥ የሚገኝ ከሆነ ከቃሉ አጠገብ “ርዕሰ ጉዳይ” የሚል ይኖራል።

ሞክረው፦ በመፈለጊያ ሣጥኑ ውስጥ “ይሖዋ” ብለህ ጻፍ (ሀ)። ከታች ከሚመጡት ዝርዝሮች መካከል “ይሖዋ” ከሚለው ቃል አጠገብ “ርዕሰ ጉዳይ” የሚል ያለበትን ምረጥ (ለ)። በተለያዩ ማመሣከሪያ ጽሑፎች ውስጥ የሚገኙ የፍለጋ ውጤቶች ይመጡልሃል።