ለጥናት የሚረዱ ሐሳቦች

ስለ ይሖዋ መንፈሳዊ ዕንቁዎች ማግኘት

መጽሐፍ ቅዱስን ስናነብ የምናነበው ነገር ግልጽ እንዲሆንልን የተለያዩ የማጥኛ መሣሪያዎችን መጠቀም እንችላለን። ያም ቢሆን መረጃ መሰብሰባችን ብቻ በቂ አይደለም። ስለ ይሖዋ ባሕርያት መንፈሳዊ ዕንቁዎች ማግኘት እንፈልጋለን፤ ይህም ለእሱ ያለንን ፍቅር ያሳድግልናል። እንዲህ ለማድረግ ‘ይህ የመጽሐፍ ቅዱስ ዘገባ ስለ ይሖዋ ምን ያስተምረኛል?’ ብለን ራሳችንን መጠየቅ እንችላለን።

ዋነኞቹ የይሖዋ ባሕርያት ማለትም ፍቅሩ፣ ፍትሑ፣ ጥበቡና ኃይሉ የታዩት እንዴት እንደሆነ ለማስተዋል መሞከር እንችላለን። ይሁንና የይሖዋ ማንነት በእነዚህ ባሕርያት ብቻ የተገደበ አይደለም። ይሖዋ ሌሎች ማራኪ ባሕርያትም አሉት። እነዚህን ባሕርያት በተመለከተ ተጨማሪ መረጃ ማግኘት የምንችለው ከየት ነው?

የምርምር መርጃ መሣሪያ ለይሖዋ ምሥክሮች ላይ “ይሖዋ አምላክ” በሚለው ርዕስ ሥር ያለውን “የይሖዋ ባሕርያት” የሚለውን ንዑስ ርዕስ ተመልከት። ከዚያም ከምታነበው ዘገባ ጋር ተያያዥነት ባላቸው ባሕርያት ላይ ትኩረት አድርግ።