በአገልግሎት ረገድ ክህሎታችንን ማዳበር—ከአምላክ የተላከ ምሥራች! የተባለውን ብሮሹር ተጠቅሞ በር ላይ እንደቆሙ ጥናት ማስጀመር

አስፈላጊ የሆነው ለምንድን ነው? ሰዎችን ደቀ መዛሙርት ለማድረግ የአምላክን ቃል ልናስተምራቸው ይገባል። (ማቴ. 28:19, 20) ለዚህ ዓላማ ሲባል የተዘጋጁልንን መሣሪያዎች የምንጠቀም ከሆነ ሁላችንም ውጤታማ በሆነ መንገድ እውነትን ማስተማር እንችላለን። ከአምላክ የተላከ ምሥራች! የተባለው ብሮሹር በዋነኝነት የተዘጋጀው እውነትን ለሌሎች ለማስተማር እንድንጠቀምበት ታስቦ ነው። እንዲያውም ይህን ብሮሹር በመጠቀም ከግለሰቡ ጋር በተገናኘንበት በመጀመሪያው ቀን እዚያው በሩ ላይ ቆመን ጥናት ልናስጀምረው እንችላለን።

በዚህ ወር እንዲህ ለማድረግ ሞክሩ፦

የመጽሐፍ ቅዱስ ጥናት የመምራት ፍላጎት እንዲያድርባችሁ ይሖዋን በጸሎት ጠይቁ። በተጨማሪም የመጽሐፍ ቅዱስ ጥናት ማግኘት እንድትችሉ እንዲሁም እውነትን በማስተማር ረገድ ውጤታማ እንድትሆኑ ይሖዋ እንዲረዳችሁ ለምኑት።—ፊልጵ. 2:13
በቤተሰብ አምልኮ ወይም በግል ጥናት ፕሮግራማችሁ ላይ የተወሰነ ጊዜ ወስዳችሁ የመግቢያ ሐሳቡን በደንብ ተለማመዱት። እንዲህ ማድረጋችሁ በእርግጠኝነት ስሜት እንድትናገሩና በር ላይ እንደቆማችሁ ጥናት ማስጀመር እንድትችሉ ይረዳችኋል።

ከቤት ወደ ቤት ስትሄዱ፦

“ዛሬ የመጣሁት አሳሳቢ ስለሆነ አንድ ጉዳይ ላነጋግርዎት ነው። ብዙ ሰዎች የዓለማችን የወደፊት ሁኔታ ያሳስባቸዋል። እርስዎስ በዓለም ላይ ያሉት ሁኔታዎች እየተሻሻሉ ይሄዳሉ ብለው ያስባሉ? [ሐሳቡን እንዲገልጽ ዕድል ስጠው።] ብዙ ሰዎች መጽሐፍ ቅዱስ ስለ ወደፊቱ ጊዜ የሚናገረውን ምሥራች ሲሰሙ ይገረማሉ። መጽሐፍ ቅዱስ መልስ ከሚሰጣቸው ጥያቄዎች መካከል አንዳንዶቹን እስቲ በዚህ ብሮሹር ላይ ላሳይዎት።” ብሮሹሩን ለግለሰቡ ከሰጣችሁት በኋላ በጀርባው ላይ ከሚገኙት ጥያቄዎች መካከል እሱን የሚስበውን አንድ ጥያቄ እንዲመርጥ ጋብዙት። ከዚያም ወደመረጠው ትምህርት ሂዱና ጥናቱ እንዴት እንደሚካሄድ አሳዩት። በዚያ ትምህርት ላይ በሚገኘው በቀጣዩ ጥያቄ ላይ ለመወያየት ቀጠሮ ያዙ።