አምላክ የት ነበር? — የመጠበቂያ ግንብ የኢንተርኔት ቤተ መጻሕፍት

አምላክ የት ነበር?

መስከረም 11, 2001፦ ከጠዋቱ 2:46 ላይ አንድ አውሮፕላን በኒው ዮርክ ሲቲ ከሚገኘው ዓለም አቀፍ የንግድ ማዕከል የሰሜኑ ሕንፃ ጋር ተላተመ፤ ይህ አሸባሪዎች በተከታታይ ለመፈጸም ከወጠኑት ጥቃት የመጀመሪያው ነበር። ከዚያም በቀጣዮቹ 102 ደቂቃዎች ውስጥ ወደ 3,000 የሚሆኑ ሰዎች አለቁ።

ታኅሣሥ 26, 2004

በሕንድ ውቅያኖስ ላይ በሬክተር ስኬል ሲለካ 9.0 የደረሰ የመሬት መንቀጥቀጥ በድንገት በመከሰቱ ወደ 5,000 ኪሎ ሜትር ገደማ ርቀት ላይ የምትገኘውን አፍሪካን ጨምሮ 11 አገሮች አደገኛ በሆነ ማዕበል ተመቱ። በአንድ ቀን ውስጥ 150,000 የሚሆኑ ሰዎች ሞተዋል አሊያም የደረሱበት ጠፍቷል፤ ከአንድ ሚሊዮን የሚበልጡ ሰዎች ደግሞ ቤት ንብረታቸውን አጥተዋል።

ነሐሴ 1, 2009፦ አንድ የ42 ዓመት ሰው ከ5 ዓመት ልጁ ጋር በአንዲት አነስተኛ ፈጣን የሞተር ጀልባ ሲከንፉ በእንጨት ከተሠራ ወደብ ጋር ተጋጩ። አባትየው ወዲያውኑ ሲሞት ልጁ ለጊዜው በሕይወት ቢተርፍም በሚቀጥለው ቀን አረፈ። በሐዘኑ የተደቆሰች አንዲት ዘመዳቸው “አንድ ተአምር ተፈጥሮ ልጁ እንደሚተርፍ ተስፋ አድርገን ነበር” ብላለች።

አሸባሪዎች ስለፈጸሙት ጥቃት ወይም ስለ ተፈጥሮ አደጋ ስታነብ አሊያም አንድ አሳዛኝ ሁኔታ ሲያጋጥምህ ‘ይህን ነገር አምላክ እየተመለከተው ይሆን?’ ብለህ አስበህ ታውቃለህ? እንዲሁም ‘አምላክ ትቶን ይሆን?’ ብለህ ራስህን ጠይቀህ ታውቃለህ? በቀጣዩ ርዕስ ላይ እንደምንመለከተው መጽሐፍ ቅዱስ ለእነዚህ ጥያቄዎች የሚያጽናና መልስ ይዟል።

[በገጽ 3 ላይ የሚገኝ የሥዕል ምንጭ]

PRAKASH SINGH/AFP/Getty Images