Makalimay Cangra Mikinafalah​—Itiniay i Miyanmar

Itini ˈayaw no 2,000 miheca, sanay ko sowal ni Yis: “Adihay ko papanayen, nikawrira, caay ka ˈaloman ko matayalay. Orasaka, ngitangiten ko Tapang no pipanayan a papiocor to mamatayal a mipanay.” (Luka 10:2) Anini, o pakayraan no Miyanmar mahecaday o misowalan no sinael, o tamdaw itira 5,500 ˈofad, kawra 4,200 ko mitosilay patenak to ngaˈayay lihaf.

“O TAPANG no pipanayan” ci Yihofa pakalalokay to adihayay salikaka nai romaroma kitakit malinah tayra i Miyanmar, tayni i Asia kitakit padama to mipanayay to noˈadingoan a demak. Kawra, hano makalim cangra miliyas to nalacolan hani? Ngaˈay cangra malinah tayra i Miyanmar, o tahacadaay to maanan a sadama hokira? O maanan ko malifokay nangra a sapalemed hani? Nohatini, nengnengen ita ko demak nangra.

“KATAYNI KAMO! MISAALIAY KAMI TO MISAKAFAHAY!”

ˈAyaw no pina miheca, o cecay Dipongay a misakafahay ci Kasiro mifekaday ko miforiˈakay a adada, telocto cowato ka fanaˈto tamdaw, patayraan i ising. Pasowalan no ising ci Kasiro, ilalomaˈno tosa miheca cowa ka ngaˈay parakat to paliding, macekokay cingra, saan miharateng: “Wa ngaˈayho kako padotoc to kaolahan ako a misakafahay han?” Fanekfekay ko falocoˈni Kasiro a mitolon, micangacang ci Yihofaan mifohat to halalan, ho ngaˈay cingra padotoc a misakafah.

Sowal ni Kasiro: “Ikor no cecay folad, itiniay i Miyanmar matayal a widang mafanaˈay to pakayraan ako mansa mirinnakay takowanan, sanay pasowal cingra: ‘O Miyanmar a tamdaw tocerid o faso ko mikalican, ano tayni kiso, hamaan parakat to paliding wa ngaˈay padotoc a mitosil!’ Ikor licayen ako ko ising, mahaen kako wa ngaˈayho tayra i Miyanmar hokira, ˈarawhan sanay ko sowal no ising: ‘Iraay ko nai Miyanmar tono ponoˈa ising tayniay i Dipong, siwkayen ako kiso cingranan, ano mifekad ko Miforiˈakay a adada iso, wa ngaˈay adahen ningra kiso.’ Oniya sowal no ising mahecaday o sapacaˈof ni Yihofa takowanan, sanay ko harateng ako.”

Tangsolay ci Kasiro tano tingnaw a patikami to Fenpo no Miyanmar, pasowal to makalimay ko niyah ato fafahi tayra a misakafah. Limaay a romiˈad, iraayto ko tikami no Fenpo saan ko sowal: “Katayni kamo! Misaaliay kami to misakafahay!” Orato, ci Kasiro ato fafahi ci Mari paˈacaan ko paliding, misangaˈto sakangaˈay tayra i Miyanmar, miˈacaho to paya no hikoki. Nohatini mahemekay cangra itini Mantele a niyaroˈno Miyanmar i mikawingay a sowal a kapot matayal, sanay ci Kasiro: “Oniya malifetay matongalay ko pakasoˈlin niyam to mihadakan no Kawas i ˈOlic 37:5 a sakiˈok, sanay ko sinael: ‘Patoroden [ci Yihofaan] ko tireng iso, tiˈeren Cingra, ta padamaen Ningra kiso.’”

MIFOHATAN NI YIHOFA KO LALAN

2014 miheca, mahemekay ko Miyanmaray a Misawacayay Tamdaw ni Yihofa ira ko mikiriwiˈay a kasapala taykay. Itiniay roma kitakit a salikaka mirienangay toniya kahemekan a saˈopo, o cecay mikitiniay Padaka ci Monika, 30 ira ko pina ko mihecaan sanay ko sowal: “Mikitini pitaykayan minokay, micangacangay kako ci Yihofaan pasifanaˈtakowanan sasamaan ko dotoc a hademak, malalengoay kako to wama wina to patosokan i noˈadingoan. Mihayay cangra takowanan patikol i Miyanmar, kawra cowa ka tangsol kako mihaen, kinapinapina a mitolon ngaˈmisaˈosi a mihaen to demak.” Sanay padotoc ci Monika mitadtad to lalangian.

Sowal ningra: “Patalipaˈelalay ci Yis to mikotoday cingranan a tamdaw ‘mihalaka to sakadademak’, mansa milicayan ako ko niyah: ‘Wa maedeng ko payci ako malinah tayra han? Ano caka adihay ko tayal itira, wa maedeng ko sakaˈorip ako han?’” Mihayay cingra: “Kahenayay mahapinang ako to cangoˈotay ko payci no niyah, caka ngaˈay tayra i maraayay a pala.” Ano hatiraay i, ikorto hano ngaˈay ci Monika malinah tayra i Miyanmar hani?—Luka 14:28.

Sowal ni Monika: “Cecay romiˈad, masasoˈaraw kita sanay ko tawki takowanan, marawraway kako, o papasawaden matayal sanay kako miharateng, ˈarawhan mikoˈiday cingra takowanan malalokay matayal sanay, pafeliay to sapalifon a payci takowanan. Kafahkaˈan i, tatodong sanay koniya payci sakalingad ako!”

Itiniay i 2014 miheca 12 folad ci Monika misatapang i Miyanmar a mitosil. O tatayra i misaaliay a kilac a mitosil, samanay ko harateng ningra hani? Sanay ci Monika: “Mahemekay kako a tayni, toloay ko pacekiwan ako nohatini, o cecay pacekiwan 67 ko mihecaan. Ano tayra kako cingranan i, masediay matawa, ketket sanay mitakec takowanan. Tiya mafanaˈcingra to o cima ko ngangan no Kawas i, tiloc sanay ko losaˈa mahemek, sanay ko sowal ningra: ‘Hakelong no ˈorip ako sakinacecay pakatengil to, ci Yihofa ko ngangan no Kawas. O safa ako kiso, kawra pasifanaˈen iso kako to kalimlaan a demak.’ Matengil ako tomangicay kako. Miharateng ko tayraay taˈangayay ko saali a kilac mitosil a tamdaw, tada ciepocayto ko demak no niyah sanay.” Caka halafin, mirienangay ci Monika to SKE.

2013 Miheca a Ninkang, o safanaˈto milifetan no mitosilay i Miyanmar, pakalalokay to adihayay salikaka malinah tayra i Miyanmar a mitosil. 30 ko mihecaan fafahiyan salikaka ci Li itiniay i Asia ko kitiraan, iraay ko tayal no hekal. Maˈosi ningra ko Ninkang ciharatengay tayra i Miyanmar a mitosil, sanay ko sowal: “2014 miheca, mirienangay kako to mikiriwiˈay kasapala taykay i Yangkon, malitemohay ko cecay mararamoday, itiniay i no Kowaping a kilac a mitosil. Ano mafanaˈay kako tono Kowaping a sowal, hato malinahay kako tayra i Miyanmar midama tono Kowaping a kapot. Malacafayay kako aci Monika malinah tayra i Mantale, padamaan ni Yihofa kami a mahela ko kamotoˈay ko toki a tayal, itini i picudadan malo singsi, itini i ngata no picudadan mahela ko kitiraan a lomaˈ. Soˈlin faedetay ko romiˈad, pasangaray ko kaˈorip, kamayan a maolah kako itini a mitosil. Madoloay ko kaˈorip no Miyanmar a tamdaw, iraay ko ngodo, makahiay mipalak to toki a mitengil to ngaˈayay lihaf. Maˈaraw ko picowat ni Yihofa to mitosilay a demak, pasoˈlinay kako ci Yihofa ko miocoray takowanan tayni i Mantale.”

MITENGILAY CI YIHOFA TO SATOLON

Itiniay i misaaliay to mitosilay a kilac a tamdaw tahalifetay to ˈicel no satolon. Ci Coping aci Nao, o 30 ko mihecaan a mararamoday, itiniay mikawingay ko sowal a kasakopang no Dipong a matayal. Hano malinah cangra tayra i Miyanmar hani? Sowal ni Coping: “Kako ato fafahi iraay ko patosokan tayra i misaaliay to mitosilay a kilac. O cecay faˈinayan salikaka i kasakopang niyam malinahay tayra i Miyanmar, soˈlin cowa ka hakowa ko ciwking no mita, kawraan, kamayan i 2010 miheca 5 folad malinah kami tayra i Miyanmar. Mahemekay militemoh ko itiniay salikaka tamiyanan!” Samanay ko harateng ni Coping to mikawingay ko sowal a kilac hani? Sanay ko sowal ningra: “Ngaˈayay ko harateng no itiniay tamdaw, paˈarawan niyam tono mikawingay ko sowal a ika, tada ngaˈayayto sanay cangra. Ngaˈay a tayni mitosil tada lipahakayto!”

Ci Coping aci Nao samaanay misaysay cangra to kacangoˈot no payci hani? Sanay ci Coping: “Ikor no 3 miheca, mamaeminto ko ciwking niyam, awaayto ko payci sapateli tono lomaˈ, misaˈicelay a mitolon kami. Caka halafin, mitahidangay ko Fenpo tamiyanan mirienang to mikiriwiˈay a misakafahay! Mitiˈeray kami ci Yihofaan, cowa ka miliyas Cingra tamiyanan, halo midimokos Cingra to saali niyam.” Ikorto, ci Coping aci Nao mirienangay to SKE.

PAKALALOKAN NI YIHOFA KO ˈALOMANAY TAMDAW TAYRA I MIYANMAR

40 ko mihecaan ni Simoni naitiniay i Itali, o fafahi ningra ci Anna 30 ko mihecaan, naitiniay i Niu Silan. Hano malinah cangra tayra i Miyanmar hani? Sanay ci Anna: “Samanen manengnengay niyam ko 2013 Ninkang.” Sowal ni Simoni: “Tayni i Miyanmar o tada taˈakay a lemed koni! Kantangay ko kaˈorip itini, adihayay ko toki midemak to tayal ni Yihofa. Itini i taˈangayay saali a kilac malifetay ko sapadama ni Yihofa, tada lipahakayto.” (ˈOlic 121:5) Mihaenay ko sowal ni Anna: “Cowaho ka hatini ko kahemek ako! Kako ato faˈinay kantangay ko kaˈorip, adihayay ko toki a malacafay, matongalay ko ngaˈay no kalalaˈed. Iraay ko faelohay a widang niyam. O Misawacayay Tamdaw ni Yihofa i Miyanmar, awaay ko misakakinihay, maolahay cangra to ngaˈayay lihaf!” Hano mihaen ko sowal hani?

Sowal ni Anna: “Cecay romiˈad, itini kako icifa misawacay to cecay fafahiyan a wawa, sakinacecay milisoˈcingranan i, miˈorongay cingra to widang. Miliyaw mikilim cingranan i, sasepatay ko miˈorongan ningra a tamdaw. Ikor, mikilimayho cingra to lalima a tamdaw, nohatini oniya lalima tamdaw malacafayay takowanan a minanam to Fangcalay Cudad.” Sanay ci Simoni: “O tamdaw i pitosilan a kilac, saka cipinangaw to Fangcalay Cudad, awaayto ko toki niyam pasifanaˈto polong a sapinanamaw to Fangcalay Cudad a tamdaw.”

Kawraan, ˈayaw no mamalinah ko salikaka tayra i Miyanmar samaanay ko demak hani? Itiniay i Dipong, sanay ko sowal ni Micuho: “Kako ato faˈinay ci Sacio makalimay tayra i misaaliay to mitosilay a kitakit, kawra tatalacowa hani? Maˈosi ko 2013 miheca a Ningkang, o safanaˈto Miyanmar i, mitemeray i falocoˈniyam, misatapang kami miharateng to ngangaˈay ko niyah malinah tayra hokira.” Sowal ni Sacio: “Saˈosi niyam tayraho i sataˈangayay niyaroˈno Miyanmar i Yangkon to cecay lipay, cipinang to samanay kora pala. Ikor no pisolap niyam, tatayra kami a malinah sanayto ko harateng niyam.”

WA NGANGAˈAY KISO MICADA TO SATAHIDANG HAN?

Itiniay i Australia, ci Roteni ato fafahi ci Cen 50 ko mihecaan, tatosaay ko wawa ci Ciotan aci Tanika, itini 2010 miheca malinah tayra i Miyanmar a mitosil. Sanay ci Roteni: “Maˈaraw ko itiniay tamdaw makalimay sakafanaˈaw to Kawas, masemeray ko falocoˈniyam. Harateng ako o kahacecay lomaˈ, wa ngaˈay miharateng tayra i Miyanmar a matayal.” Hano mihaen ko sowal ni Roteni hani? Sanay cingra: “Tada ciepocay itini mitosil, nohatini matongalay ko piingid no paro no lomaˈniyam ci Yihofaan! O maharatengay no ˈalomanay kaemangay sahtoay o soci, paliding, o tayal, kawra cowa ka hecad ko wawa ako, minanamay cangra to sapitosil a sowal, minanamayho sasamaan padama to tamdaw minanam to Fangcalay Cudad ato pacaˈof to salicay i kasaˈopoan. Misarocoday ko falocoˈno wawa i noˈadingoan a demak.”

30 ko mihecaan ci Olifer na itiniay i Padaka, hano pakalalok cingra to salikaka tayra i Miyanmar a mitosil, sanay ko sowal ni Olifer: “Tayra i kafahalan a kilac matayal adihayay ko epoc, mananamay niyam ano icowato, wa mitadiˈec ci Yihofaan. Saˈayaw cowa ka fanaˈkako to itiniay a salikaka, kawra iraay ko mahecaday pihakelongan ita, hato ngaˈayay malacafay a dademak, mahapinangay ako toniya hekal awaay ko maanan a demak mikikakaay ko kalimlaan to Hongti Kitakit no Kawas.” Nohatini, ci Olifer ato fafahi ci Anna padotocay a mitosil i no Kowaping a kilac.

Itiniay i Australia, ci Teraro 50 ko mihecaan, mikitini 2004 miheca itiniay i Miyanmar a mitosil, sanay cingra: “Ano ngaˈayay ko pakayraan iso, ka tayra i misaaliay a kilac a mitosil. Mafanaˈay kako, ano ira ko saka dademakaw a falocoˈiso, papalemeden ni Yihofa kiso. Milifok to hatiniay saka renec no falocoˈlipahak a maˈorip, na cowacowaho ka harateng ako konini.”

Oniya milifetan no salikaka ngaˈay pakalalok tisowanan, miharateng to ngangaˈay tayra i misaaliay a kilac mitosil hokira, padama to soˈlinay ko falocoˈa tamdaw mafanaˈto Kawas. Anini, malinahay tayra i Miyanmar a salikakak sanay mitahidangay: “Katayni i Miyanmar padama tamiyanan haw!”