Samaanen Kalasaka Dademak ko Tancang Misatapang Masasowal

Naitini 2018 miheca saka 1 folad, saˈayaway fiedac noni Mitosilay ato Nikaˈorip a Saˈopo a sakasasowal a taˈarawan, o araaw i, cowa ko palilam aca to cudad, oha masasowal to tao. Toha sapadamaaw kitanan misalof to inaneng ita a mitosil, o ika no sakasasowal a taˈarawan, papadama to sasamaan kalasaka dademak to Fangcalay Cudad a misatapang masasowal. Hay, cowato ko ngangaˈay a pafeli kita to cudad i pitosilan han? Cowa! Samanen o madoloay a lalosidan ko tancang a misatapang a masasowal to tamdaw. Ano o mananto a tancang, tanamen ita kora ilaenoay a hapakayraan:

1. Kalasaka dademaken koya saka 1 fiedac a salicay a milicay to tamdaw.

2. Papinengnengen cingra to sapacaˈof no Fangcalay Cudad i saka 2 fiedac. Ano ira ko toki i, ˈosien halo lengoen ko pinapina lalakaw nora tancang.

3. Pafelien ko cilomaˈay tora tancang, pakalaloken papiˈosi to romaroma lalakaw nora tancang.

4. ˈAyaw no mamiliyas kiso, patiriˈen toya saikoray fiedac no tancang, “Haratengen Hena” sanay a salicay, halo saˈosien ko toki to noikoran malalengo to caˈof nora salicay.

Ano milisoˈ i, lengoen ko caˈof noya salicay, mahererekto i, tereken ko cecay salicay to lalengoen noikor. Ngaˈayay kiso mikitini i wangcan ita mipiliˈ to cecay salicay, anca itini i saikoray fiedac nora tancang mipiliˈ to salicay. Ano hangangaˈay i, siwkayen ko kihpicay cudad: Naitiraay i Kawas a Ngaˈayay Lihaf, anca itini Sapasifanaˈ a Lalosidan miala to sapahatatanam to Fangcalay Cudad a romaroma lalakaw.