Kaemangay—Fohaten ko Falocoˈ a Masasowal to Wama Wina

Hano fafohaten iso ko falocoˈ pasowal to wama wina to harateng iso hani? (Taneng 23:26) Samanen pafelian ni Yihofa ko wama wina to ˈinorong a palahad ato mikayat tisowanan. (ˈOlic 127:3, 4) Ano mihimeday kiso to kaciharatengan ato kacalemceman a demak, caka pakafanaˈen ko wama wina i, papasangar cangra a padama tisowanan, awato ko toki paladaˈ cangra tisowanan to nalifetan nangra. O tatodong noniya sowal i, haemin han iso pasowal to kihcod a harateng iso han? Cowa ka hatira, kawra cowa ko ngangaˈay kiso misamangah cangraanan.—Taneng 3:32.

Wa ngaˈay kiso misamaan a masasowal to wama wina hani? Piliˈen ko matatodongay namo a toki. Ano cowa ka madoloen kiso a mihaen i, ngaˈayay patikamien iso ko cecay nangra, patalahkal to harateng no miso. Ano sapilengoaw cangra tisowanan to cecay cowa ko kaolahan iso a demak i, harategen, soˈlinay ciharateng cangra a padama tisowanan! O pinengneng iso to wama wina haenen o kapot a milood a widang, ao cowa ko ˈada cangra. Saˈicelen iso, fohaten ko falocoˈ a masasowal to wama wina, mihaen kiso i, mamacada ko epoc nokaˈorip tahira i daˈoc.—Taneng 4:10-12.

NENGNENGEN KO IKA KAEMANGAYHO KAKO—SAMAANAY MASASOWAL TO WAMA WINA? IKOR PACAˈOFEN KO ILAENOAY SALICAY:

• 

  Ci Istir aci Partik samaanay palidlid sa mihapinang to niyah?

• 

  Mikitini taˈarawan ni Yis, o manan ko mananamay iso?

• 

  Samaanay ko demak no wama wina iso, paihkal to kaciharateng nangra kisowanan?

• 

  O masamaanay a safalod no Fangcalay Cudad, papadama tisowanan misongilaˈ a masasowal to wama wina?