O KAˈORIP NO KRISCIYANG
Papadamaen ni Yihofa Kita Miremo to Sapalifet
Salikoray a ˈawaled adihayay ko pasangar, alatek cowato ka pakafilo kita a matoled. Kawra ano padadotoc kita miingid ci Yihofaan, ano samaanto ko sapalifet samaanto ko roray, wa padama Cingra kitanan mihadidi. (Isaya 43:2, 4) Misiˈayaw to sapalifet, sasamaan kita ngaˈ padadotoc miingid ci Yihofaan hani?
Mitolon. Itini satolon ita hadaken ko nafalocoˈan a harateng, ngaˈ rihaday ko falocoˈ, irato ko ˈicel padadotoc a mihadidi.—Filipi 4:6, 7; 1 Tisalonika 5:17.
Misaˈopo. Itini i kasaˈopoan misaaliay kita to cihaleday a kakaenen no pakasoˈlinay falocoˈ, ato macacawmaˈ to salikaka. (Hipray 10:24, 25) Ano talaˈayaw kita a misaday, micerid mirienang to saˈopo, wa malifokto ko matomesay a ˈicel no fangcalay saocor.—Paˈarawan 2:29.
Mitosil. Ano fanekfek kita mirienang to mitosilay a tayal, wa mangalef kita a tawlik, wa tanektekto ko kalawidang ita ci Yihofaan ato salikaka.—1 Korinto 3:5-10.
NENGNENGEN KO IKA MIDIPOTAN NI YIHOFA KAKO, IKOR PACAˈOFEN KO ILAENOAY SALICAY:
Tahasiˈayaw to sapalifet i, o manan ko padamaay ci Maluan padadotoc miingid ci Yihofaan hani?
Parihadayay ci Maluan ko ˈOlic 34:18, oniya sinael wa misamaan padama tisowanan hani?
O nalifetan ni Malu sasamaan paihkal to papafeli ci Yihofa kitanan to ˈicel a misiˈayaw to sapalifet?—2 Korinto 4:7