Ceriden Ita Micawmaˈ ko Maolahay ci Yihofaan a Tamdaw

Hano ceriden ita micawmaˈ ko maolahay ci Yihofaan a tamdaw hani? Samanen o cawmaˈ iraay ko tawlikay anca masofaway a noka pifiyor kitanan. (Taneng 13:20) Patinakoen, hongti ci Yoas ta micawmaˈ ci Yihoyataan ya sakakaay a saysi i, mangaˈayay ko demak ningra ikaˈayaw ni Yihofa. (2 Rayray 24:2) Mapatayto ci Yihoyata i, tona micawmaˈay to tatiihay saka miliyasayto ci Yihofaan cingra.—2 Rayray 24:17-19.

Saka cecay hahekalan, tarokos ci Pawlo patatinakoan ko kasakopang to o “tataˈangay a lomaˈ”, oya “masamaamaanay a lalosidan” i, o Krisciyang ko mitoroan. Ano liyasen ita ko midemakay to kaketeran ni Yihofa a tamdaw, soˈlin ano o paro no lomaˈ ha anca o salikaka cangra ha, mihaen to demak o mamalo “tadamaanay a lalosidan” kita. (2 Timoti 2:20, 21) Mankora, padadotocen ita misawidang ko maolahay ci Yihofaan a tamdaw to papakalalok cangra kitanan a midoko to Kawas.

MINENGNENG TO IKA: MINANAM A MINAˈAY TO TATIIHAY CAWMAˈ , IKOR PACAˈOFEN KORA ILAENOAY SALICAY:

• Tano masamaanay pakayraan a micomod ko tatiihay cawmaˈ i kaˈorip ita?

• Itini i ika, samaanay ko tatolo Krisciyang miketon to tatiihay cawmaˈ?

• O manan safalod no Fangcalay Cudad papadama tisowanan mipiliˈ to ngaˈayay a cawmaˈ?