SAKA 05 FEDENGAN
Fangcalay Cudad O Sapafeli no Kawas Kitaanan a Lihaf
Pafelian ni Yihofa kita to kalimlaan a sapatelong, o Fangcalay Cudad. 66 maloloday cudad ko palaˈosiay to Fangcalay Cudad. Saan kiso milicay alatek: ‘Nao nima a harateng ko Fangcalay Cudad? Samanay ko pitilid to Fangcalay Cudad hanaca tahanini a materek?’ Nengnengen ita hena.
1. O tamdaw ko mitiliday to Fangcalay Cudad, hano o sowal no Kawas han hani?
Maedeng 40 tamdaw ko mitiliday to Fangcalay Cudad, mikitini ˈayaw no Kongyen 1513 miheca tangasa Kongyen 98 miheca a tiliden, komoden 1,600 a mamihecaan. O mitiliday to Fangcalay Cudad a tamdaw cowa ka hecad ko lalengawan, kawra kasalolod no Fangcalay Cudad malacecayay. Hano mahaen hani? Samanen o lihaf no Fangcalay Cudad naitiniay i Kawas, o Cingra ko papitiliday tonini a cudad. (ˈOsien ko 1 Tisalonika 2:13.) Mitiliday to Fangcalay Cudad a tamdaw cowa ko niyah a harateng ko mitilidan, ao ‘fangcalay saocor ko mitemeray to tamdaw, somowal to sowal no Kawas.’a (2 Pitiro 1:21) Mihaenay o harateng no Kawas ko maˈoningay i Fangcalay Cudad, tano fangcalay saocor ko Kawas mikayat to tamdaw a mitilid.—2 Timoti 3:16.
2. O cima ko caciepoc mikitini i Fangcalay Cudad?
O ‘kasakitakit, kasangasaw, kasasiroma no caciyaw ato finacadan a tamdaw’ papakatengil to ngaˈayay lihaf no Fangcalay Cudad a milifok to epoc. (ˈOsien ko Paˈarawan 14:6.) Mikiˈokay ko Kawas to mamahongyak ko Fangcalay Cudad malo masasiromaay a sasowalen, toniya hekal awaayho ko romaroma a cudad hatiniay ko adihay no sasowalen. Ano icowaayto a tamdaw, o mananto ko caciyaw, papakaˈosi to Fangcalay Cudad.
3. Samaanan ni Yihofa midipot ko Fangcalay Cudad, materek tahanini hani?
Itini nolitengan, itiniay i kator anca faho a kalidopak tiliden ko Fangcalay Cudad, o hatiniay a dafong cowa ka halafin a materek. Kawra, iraay ko ˈalomanay maolahay to Fangcalay Cudad a tamdaw, misongilaˈay a misaliyaliyaw a mitilid. O roma cifadangalay a tamdaw na sapalahdawaw to Fangcalay Cudad, kawra iraay ko makahiay kinafalah to ˈorip a tamdaw midipot tonini a cudad. Tatodong nonini, cowa ko mamihayi ci Yihofa to cimacimaan ato maamaan a demak miconged Cingranan a masasowal kitaanan. Sanay ko Fangcalay Cudad: ‘O sowal no Kawas ita, mamidaˈoc a materek.’—Isaya 40:8.
CALEPEN MIKADKAD
Dotoc mamananam iso: Samanan ni Yihofa mikayat ko tamdaw mitilid to Fangcalay Cudad? Samanan Ningra midipot ko Fangcalay Cudad? Samaanay ko demak Ningra ngaˈay maˈosi no polong a tamdaw ko Fangcalay Cudad?
4. Somowalay ko Fangcalay Cudad kitaanan o cima ko papitiliday tonini a cudad
Nengnengen ko IKA. ˈOsien ko 2 Timoti 3:16, ikor lengoen ko ilaenoay a salicay:
Ano o tamdaw ko mitiliday to Fangcalay Cudad, hano o sowal no Kawas han aki?
Patemeran no Kawas ko harateng no Niyah i mitiliday to Fangcalay Cudad a tamdaw, soˈlinay konini han?
Soˈlin o mitatiliday a dama no tawki ko mitiliday to tikami, kawra lalomaˈay a sowal mikitiniay i tawki a masadak. Malecaday, o tamdaw ko mitiliday to Fangcalay Cudad, kawra ilalomaˈ a lihaf naitiniay i Kawas
5. Maˈodisay no tamdaw ko Fangcalay Cudad, ˈarawhan midaˈocay a materek
Ano naitiniay i Kawas ko Fangcalay Cudad i, o dadipoten Ningra konini a cudad, cowa saw? Itini likisi, o roma cifadangalay a tamdaw na sapalahdawaw to Fangcalay Cudad, o romaroma kakeridan no pidoyongan sapicongedaw to tamdaw minanam to Fangcalay Cudad. Soˈlin hatira i, iraayho ko ˈalomanay tamdaw cowa ka talaw, makahiay kinafalah to ˈorip midipot tonini a cudad. Sanay aca nengnengen ita ko cecay mahaenay a tamdaw. Nengnengen ko IKA, ikor lengoen ko ilaenoay a salicay:
ˈAlomanay tamdaw cowa pisikol to katalawan no ˈorip midipot to Fangcalay Cudad, mafanaˈ tonini coko makalimay kiso minanam tonini a cudad han? Misamaanay?
ˈOsien ko ˈOlic 119:97, ikor lengoen ko ilaenoay a salicay:
ˈAlomanay tamdaw hano makahi kinafalah to ˈorip mihongyak ato palilam to Fangcalay Cudad?
6. O sapafeli to polong tamdaw a cudad
Itini i likisi saadihayay masasiroma ko sowal, saadihayay mapalilamay ko Fangcalay Cudad. ˈOsien ko Dmak 10:34, 35, ikor lengoen ko ilaenoay a salicay:
Hano makalim ko Kawas adihay masasiroma ko sowal ato adihay a mapalilam ko Fangcalay Cudad?
O manan ko kasemeran iso to Fangcalay Cudad?
Maedeng
100%
tamdaw no hekal
ngangaˈay tano kacipinangan nangra a sowal miˈosi to Fangcalay Cudad
Mataˈlifayto ko
3,000
sasowalen
no Fangcalay Cudad
5,000,000,000
Saˈosien ko matolicay,
mataˈlifay ko kihcod a cudad no hekal
ANO IRA KO SOMOWALAY: “Fangcalay Cudad o nolitengan tamdaw ko mitiliday.”
Samaanay ko piharateng iso?
O manan ko paihkalay to mikitiniay i Kawas ko Fangcalay Cudad?
KALIMLAAN
Mikitiniay i Kawas ko Fangcalay Cudad. Mikiˈokay ko Kawas to papakaˈosi ko polong no hekal a tamdaw tonini a cudad.
Lomalen
Sasamaan kiso mitadtad o Kawas ko mikayatay to tamdaw mitilid to Fangcalay Cudad?
Pakayni matepangay a sasowalen no Fangcalay Cudad, mapalilamay ato katerek tahanini, o maanan ko kasemeran iso?
Adihayay ko midemakan no Kawas to sakasasowalaw tisowanan, samaanay ko harateng iso?
MALALITINGAY A LALAKAW
Kafanaˈ to likisi no Fangcalay Cudad—mikitini nolitengan a mitilidan tahanini a mihongyakan.
“Samaanay ko Fangcalay Cudad Tahanini a Materek” (Katalipaˈelal!, Saka 11 Liyad 2007)
Samaanay ko Fangcalay Cudad tahalifa to tolo a pasangaray demak, kamayan materek tahanini.
“O Fangcalay Cudad—Tahalifaay to Pasangar Caay ka Falic” (Mikecolay, Saka 4 Liyad 2016)
Kafanaˈ ko mihongyakay to Fangcalay Cudad a tamdaw misiˈayaway to manan katalawan.
Misaliyaliyawan a mitilid ato mihongyak, o lalakaw no Fangcalay Cudad kamayan matatodong a masaheci han?
“Mifalican no Tamdaw Mitilid ko Fangcalay Cudad Han?” (Lalakaw no wangcan)