SAKA 34 FEDENGAN
Sasamaan Paihkal to Maolahay ko Niyah ci Yihofaan?
Na minanamayto kiso to Fangcalay Cudad to cecay a liyad, makelecayto ko kalalaˈed no niyah ato Kawas han? Sapipadadotocaw kiso mitongal to kalawidang ato Kawas han? Maˈaraw ni Yihofa kiso tangongol ko olah i Cingranan, wa maolah Cingra ato sapidipotaw tisowanan. Wa samaan ko pidemak iso, paihkal to maolahay ko niyah ci Yihofaan?
1. Sasamaan ko pidemak no mita paihkal to maolahay ko niyah ci Yihofaan?
Mitengil kita to sowal ni Yihofa o maolahay Cingranan. (ˈOsien ko 1 Yohani 5:3.) Pasalatan ni Yihofa kita kahacecay a tamdaw mipiliˈ to mamidofdof Cingranan hokira, cowa ko mamipacieci Cingra kitaanan papitengil to sowal Ningra. Misamaanay hani? Samanen sowal no Fangcalay Cudad, ci Yihofa halamhamay kitanan ‘mikifalocoˈ a midofdof.’ (Loma 6:17) Halamhamay ko Kawas tisowanan mitengil to sowal Ningra, cowa ko paciecian, nao pakayniay i olah Cingranan. Onini a cudad saka 3 Rayray ato saka 4 Rayray papadama tisowanan, o manan a demakan papakahemek ci Yihofaan, ato o manan a demakan papasomad Cingranan. Tooren iso ko moecelay palinian ni Yihofa a matatodong ko pisaˈosi, o paihkalay to maolahay ko niyah Cingranan.
2. Misawacay to maolahay ko niyah ci Yihofaan hano cowa ko madoloay?
Sowal no Fangcalay Cudad: ‘Wa tahalifa to adihayay pades ko moecelay a tamdaw,’ sanay. (ˈOlic 34:19) Latekay tahasiˈayaway kita to nika cangoˈot no sakaˈorip, cowa ka sadafdaf a demak ato romaroma pasangaray. Roma i, cowa ka lefot kita, mamilowid to dangoc no niyah. Tahasiˈayaw kita to hatiniay pasangaray a demak i, pasangaran nanay midofdof ci Yihofaan, mitoor to harateng no niyah, o madoloay alatek. Kawra, ano misetek kiso midofdof to sakayat ni Yihofa i, paihkalay to maolahay ato madimadiay ko niyah ci Yihofaan, o madimadiay ci Yihofa, cowa ko mamiliyas a mifalah tisowanan.—ˈOsien ko ˈOlic 4:3.
CALEPEN MIKADKAD
Dotoc mamananam iso: Mikiemel kiso midofdof ci Yihofaan hano papakahemek Cingranan hani? O manan ko papadama tisowanan madimadi ci Yihofaan?
3. O cecay milingatay tisowanan a sapakokot
Itini Yopu a Fangcalay Cudad maˈoningay ko cecay sapakokot ni Satan. Soˈlin, cowa ko ci Yopu aca ko mitoroˈan, milingatayho to polong sapidokoaw ci Yihofaan a tamdaw. ˈOsien ko Yopu 1:1, 6–2:10, ikor lengoen ko ilaenoay a salicay:
O sowal ni Satan, midofdof ci Yopu ci Yihofaan pakayniay i maanan a araaw sanay?—Nengnengen ko Yopu 1:9-11.
Pakayni i polong a tamdaw, mahawpay kiso, micihiˈay ci Satan to maanan?—Nengnengen ko Yopu 2:4.
ˈOsien ko Yopu 27:5b, ikor lengoen ko ilaenoay a salicay:
Ci Yopu samaanay misawacay to maolahay ko niyah ci Yihofaan hani?
Madimadiay ci Yopu, misawacayay cingra to maolahay ci Yihofaan
Ano madimadi kita i, mamisawacay to maolahay ko niyah ci Yihofaan
4. Palipahaken ko falocoˈ ni Yihofa
ˈOsien ko Taneng 27:11, ikor lengoen ko ilaenoay a salicay:
Tengilen iso ko sowal ni Yihofa, mataneng ko pisaˈosi i, wa samaan ko harateng ni Yihofa hani? Misamaanay?
5. Madimadi ci Yihofaan, mamadangar iso!
Maolah kita ci Yihofaan i, mamakalim pasowal to demak Ningra i taowanan, nolatekay mihaen to demak cowa ko madoloay. Ano madimadi kita ci Yihofaan, iraayto ko ˈicel tenektek a midemak. Nengnengen ko IKA, ikor lengoen ko ilaenoay a salicay:
Sapipasowalaw to tamdaw pakayni i demak ni Yihofa pasangaran nanay kiso han?
Itini i ika ci Kenis samaanay miremo to ˈangi?
Maolah kita to kaolahan ni Yihofa, ˈinteh to kaˈintehan Ningra, mamadoloto madimadi to Kawas. ˈOsien ko ˈOlic 97:10, ikor lengoen ko ilaenoay a salicay:
Tikolen a miharateng ko mananamay a lalakaw, o manan a waywayan ko kaolahan ni Yihofa? O manan ko kaˈintehan Ningra?
Wa misamaan kiso minanam a maolah to ngaˈayay, ˈinteh to tatiihay?
6. Midofdof ci Yihofaan taˈangayay ko epoc kitanan
Mitengil to sowal ni Yihofa o sangaˈayay a mipiliˈan. ˈOsien ko Isaya 48:17, 18, ikor lengoen ko ilaenoay a salicay:
Mafanaˈay ci Yihofa to o manan ko sangaˈayay kitaanan, pakasoˈlinay kiso tonini han? Misamaanay?
Minanam kiso to Fangcalay Cudad, mafanaˈ ci Yihofaan mataˈlifayto ko cecay a liyad, malifokay iso ko maanan a epoc hani?
ANO IRA KO SOMOWALAY: “Ano o ngaˈayayto tatiihayto ko midemakan no mako, cowa ka pikihar ko Kawas.”
Tano maanan a sinael pakafanaˈ to tao a cipinang, o waywayan ita micedetay to falocoˈ ni Yihofa.
KALIMLAAN
Midofdof kiso ci Yihofaan itini i cowa ka dolo a pakayraan, madimadiho Cingranan, o ngangaˈay paihkal ko niyah to maolahay Cingranan.
Lomalen
Naitini i taˈarawan ni Yopu mamananam iso ko manan?
Mamisamaan kiso misawacay to maolahay ko niyah ci Yihofaan?
O manan ko papadama tisowanan madimadi ci Yihofaan?
MALALITINGAY A LALAKAW
Sasamaan ko pidemak, o madimadiay ci Yihofaan ato kasakopang hani?
Kacipinang to sapakokot ni Satan to tamdaw.
“Kiemelay a Madimadi ci Yopu” (O Manan ko Lihaf no Fangcalay Cudad? saka 6 fedengan)
Kaemangayto i, ngangaˈay misawacay to maolahay ko niyah ci Yihofaan, sasamaan ko demak hani?
Kaemangay tamdaw sasamaan madimadi to Kawas, eca ka mapadik no saroero no selal?