Sa Ikpa Nwọọn̄ Ugwem Re Mgbọ Geelek! Nama Ichechieek me lek Jioba mè Jisọs

Ebi ikikween̄ Baibul mekaan̄ ichechieek onyenye ufuna ema ekọt ekerọ inu Awaji omabe. (Iburu 11:6) Eji mekọt isa ikpa Nwọọn̄ Ugwem Re Mgbọ Geelek! itap ubọk inyi ema ekọt erọ eyi. Ikpa yi iben ere Baibul, idodo echi okitet mun̄, fidio echi okiriki ene ulọk, melek ujuja ogugo. Ire eji itap ubọk inyi ebi eji ekigọọk ikween̄ Baibul ufuna ekaan̄ ata eru kubọk ebi eyi Karais mè ekaan̄ si ata mgbaan̄je melek Awaji, isibi ibe ke eji ekinama uwu eyi ukan̄ kpokọtbe itaka.—1 Kọr 3:12-15.

Usini ene kpechieek ibe ke ema mekọt ire unene Awaji, ogwu ema kpekisa chieen̄ imun̄. Ọmọ orọ, ikup ufiak ibe eji etap ubọk enyi ema ufuna eneriọọn̄ ogwu Jioba orebe mè ekaan̄ ichechieek me lek kan̄.

IKPỌ FIDIO SA IKPA “NWỌỌN̄ UGWEM RE MGBỌ GEELEK!” NAMA ICHECHIEEK ME LEK JIOBA MÈ IFỌỌK IDODO CHI:

• Ike owa ke eji esa iriọọn̄ ibe ke gwun̄ ute enenwaan̄ yi ibem lek ijaan̄ me lek nkween̄mkpọ ya?

• Ike owa ke gwun̄ ute ya osa idodo ikakupge me ikpa ya irọ mè ogwu ikigọọk ikween̄ Baibul itumu nkeek kan̄ ofolek ikpa Asaya 41:10, 13 isibi?

• Kpasi mgbaan̄ ke ere Baibul melek fidio ya okaan̄ me lek ogwu okikween̄ mkpọ ya?

Owuwa ebi ene kpegobo itet mkpọ mkpenwene orebe, mè iyeka ire ema kpekimun̄ ibe ke ire uche eyi Awaji onyibe ema. (Gal 2:20) Ọmọ orọ, eji metap ubọk inyi ema ekọt ekaan̄ ichechieek me lek ngwugwa mkpenwene kè Jisọs.

IKPỌ FIDIO SA IKPA “NWỌỌN̄ UGWEM RE MGBỌ GEELEK!” NAMA ICHECHIEEK ME LEK JISỌS MÈ IFỌỌK IDODO CHI:

• Eji erọrọ iriọọn̄ ibe ke gwun̄ ute enerieen̄ yi ibem lek ijaan̄ me lek nkween̄mkpọ ya?

• Ike owa ke isa inu okup me ere egebe “Week” itap ubọk inyi ogwu ikigọọk ikween̄ mkpọ?

• Eke orọ ikupbe ufiak ibe egbaan̄ eriaak uriaak melek ogwu okikween̄ Baibul?