Ikwekweek Inye

Onineen̄ Baibul: ‘Ema ekukup inye me ekawọge lek ikijeen̄ inu mè ikilook ata etip.’—Ikwaan̄ 5:42.

Inu Pọọlu Orọbe

Ogwu Ikwaan̄ Pọọlu ikilook ata etip inyi urum ebi ene ititiin̄ me uwu ikpa ge.

FIDIO: Pọọlu Ikup Inye Ikilook Ata Etip me Efesọs

1. Kpọ FIDIO yi, mè iyaka ire fuk Ikwaan̄ 19:8-10. Mè fọọk idodo chi ogọgọọk:

Kpan̄asi iwọwọ lek mgbọ usini ene ekikeke ikeme ọmọ, ike owa ke Pọọlu osa ikup inye ikitap ubọk inyi ebi ijejeen̄ ulọk?
Mgbọ inen ke Pọọlu oyaka isi ijeen̄ ebi ikakaan̄ ulọk cha mkpọ, ujọn̄ọ mgbọ okukup ke isa irọ ikeya?

Keke Ke Eji Ekween̄ Inan̄a Me Lek Pọọlu?

2. Ikup ufiak ibe eji etap mgbọ mè efuuk kiji me ikekikaan̄ nje nchak obokitet mun̄ mè ikekibene nkween̄mkpọ Baibul.

Gọọk Akpat Ukot Pọọlu

3. Kup me mbem-lek isisi me mgbọ otatat me lek ene ya. Do lek kwun̄ ibe: ‘Kpa mgbọ ke mbakọt imun̄ ọmọ? ‘Kpa mgbọ mè ere owa ke ibokaan̄ irek isasa igọọk emi ikpa usem?’ Kup me mbem-lek iyayaka isi lek kan̄ ikerere ibe ke mgbọ ya ikatat me lek kwun̄.

4. Do ene ya mgbọ iweekbe ibe oyaka onu. Mgbọ geelek enyi ekpabe usem isan̄a, sa inyi oweek oriọọn̄ mgbọ obokọt iyaka inigọọk omọ ikpa usem. Mun̄ si ibe ke oyaka isi me mgbọ ya.

5. Kaan̄ ikpọchieen̄. Kakeek ibe ke ene ikakaan̄ ulọk mije ikakimalek ikup me uwu mè iyaka ire ikakikaan̄ mgbọ. (1 Kọr 13: 4, 7) Kweek nye kiweek ene ya, ire, mun̄ si ibe ke okakisa mgbọ kwun̄ irọ mkpọ me oniin̄ okijeen̄ iriọọn̄-inu.—1 Kọr 9:26.

KPỌ SI

Ikwaan̄ 10:42; 1 Kọr 9:22, 23; 2 Kọr 4:1; Gal 6:9