Ime

Inu Jisọs Orọbe

FIDIO: Jisọs Isa Me Ime Itap Ubọk Inyi Ngwan̄ Kan̄

1. Kpọ FIDIO yi, mè iyaka ire fuk Jọn 7:3-5 mè Ebi Kọrint Eyi Adasi 15:3, 4, 7. Mè fọọk idodo chi ogọgọọk:

1. Ike owa ke ebi ngwan̄ kè Jisọs esa irọ eru me lek etip kan̄ me adasi mgbọ?

2. Keke okijeen̄ ibe ke Jisọs ikawọ lek me lek Jemis ngwan̄ kan̄?

Keke Ke Eji Ekween̄ Inan̄a Me Lek Jisọs?

2. Ikup ufiak ibe eji ekaan̄ ime mije ikibọkọ usini ene ujọn̄ọ mgbọ isasa ibọkọ ata etip itap.

Gọọk Akpat Ukot Jisọs

3. Sa ofifi oniin̄ sa rọ. Ire ene ya ikachieek ibe enegọọk ọmọ ekween̄ Baibul, katet ọmọ me ubọk unye. Ire ifet, sa fidio mè iyaka ire ibot usem sa tap ubọk nyi ọmọ inyi igobo itet inu okibọkọ irek me nkween̄mkpọ Baibul mè ubọk ibosa ikaan̄ oruru inan̄a me lek.

4. Kasa ọmọ itọt me lek ofifi ene. Otutuuk kiji ekup esese esese. Ire ogwu uwu kwun̄ mè iyaka ire ogwu okije ichak ikachieek ibe ogọọk ọmọ okween̄ Baibul, keek inu orọrọ ikirọ ikeya. Ire ikaan̄ ijejeen̄ uwu uriaak ge ichubọk ikaan̄ ulọk me lek ni? Ire ikichichini ukeme me ubọk ebi uwu kan̄ mè iyaka ire ebi mbuuruk kan̄ ni? Nyi ọmọ mgbọ ibe isa ikeek mkpọ otumube inyi ọmọ, mè inimọnọ ibene inu Baibul otumube.

5. Kiriaak uriaak me ibot ogwu ojejeen̄ ulọk ya. Beek Jioba ibe itap ubọk inyi owu okomun̄ inu me oniin̄ onwọnwọn mè osa iriọọn̄-inu orọ mkpọ. Beek Jioba ibe inyi owu iriọọn̄-inu ufuna oriọọn̄ mgbọ okpoyaka ikisi lek ogwu ikakaan̄ ulọk.—1 Kọr 9:26.