Susal Manukat of Namʼsoup Kah?

SULAT KNINO NAʼUAB NAK

”In [Uisneno] . . . of anose ale matnu naʼko sin matan. Lasi maten of katita tenif; nek tuʼas kaet ai menas amsa of kan muʼin tenif ale lasi mna namneku nalalien.”—Wahyu 21:3, 4, Uab Meto Neno-Neno.

UPA SA NEU KO

Muhin mak susal, nukat, ma suʼat ka nemfa naʼko Uisneno.—Yakobus 1:13.

At malin natuin Uisneno nahin hit nek susal.—Zakharia 2:8.

Mui fʼnekat amneot neo ale susal, nukat of namʼsoup.—Mazmur 37:9-11.

HIT PALSAI KAH NEU SULAT KNINO IN HANAN?

Teb. Natuin anmui lasi nono nua:

• Uisneno kanʼlomif monit susal ma hakaʼmuit. Uisneno in nekan on mekah nbi tabu in toʼ mabeiti sin napenin hakaʼmuit. Sulat Knino naʼuab nak In nekan an sus nae leʼuf ”In nek namnausin leka in nen sin han anbait”.​—Hakim 2:18, Uab Meto Neno-Neno.

  Uisneno kan loimfa he tamenab atoni bian in nekan. Sulat Knino naʼuab nak ”nimaf le naʼmate atoni le kaʼasanat Uisneno kan lomif”.—Amsal 6:16, 17, Uab Meto Neno-Neno.

• Uisneno an kiso ma nahin tuaf mese-mese. Uisneno an hoen ko he munaʼat ho nek asʼunu neu in.—1 Petrus 5:7.

  Plenat Uisneno of naneuk nain ale susal manukat. (Matius 6:9, 10) Tabu i nok nek maʼnula in an halin ale mansian le naim he nahin in kanan.—Kisah 17:27; 2 Korintus 1:3, 4.