Atoni Amates of An Monin Fain Kah?

SULAT KNINO NAʼUAB NAK

”Ale amates of nafena nafani.”​—Kisah 24:15, Uab Meto Neno-Neno.

UPA SAʼ NEU KO

Hit nekak anmalin natuin atoni amates leʼ hit nek tani of anfen anfain.—2 Korintus 1:3, 4.

Hit tafetnok nako mtaus neu lasi maten.—Ibrani 2:15.

Hit mui fnekat amneot, He taʼekut tein tok hit bia le an maet nalail.—Yohanes 5:28, 29.

HIT PALSAI KAH NEU SULAT KNINO IN HANAN?

Teb. Natuin anmui lasi nono nua:

• Uisneno es anfe honis neu mansian. Sulat Knino antek Usif Yehuwa nfain on ”Honis in un”. (Mazmur 36:9; Kisah 17:24, 25, Uab Meto Neno-Neno) Afe honis nabei he namonib nafani atoni amates.

• Nbi tabu ahunut uisneno namonib nafani atoni amates. Sulat Knino antui lasi nonofaun nak uisneno namonib nafani amates—mnasi, munif, atoni, ma bife—hen moin nbi pahpinan. Bian fe anmaet, mes bian anmaet man sub nan fai ha!​—Yohanes 11:39-44.

• Uisneno anʼloim ma anmalin he na monib nafani atoni amates nbi neno amnemat. Usif Yehuwa kan loimfa lasi maten, in nabai fain on in musuh. (1 Korintus 15:26) Uisneno anloim he naneuk nain lasi maten. In namnau neis atoni-atoni amates ma anloim namonib naʼfani sin he an moin nabal-bal nbi pahpinan.—Ayub 14:14, 15.