Lasi Sa es Nek Malinat nbi Ho Ume Nanan?

SULAT KNINO NAʼUAB NAK

”Le he napeni alekot amneot esleʼ alsin le nen aʼan Uisneno ma napan nani, oke te anmoʼe natuin!”—Lukas 11:28, Uab Meto Neno-Neno.

UPA SA NEU KO

Mupeni manekat alekot.​—Efesus 5:28, 29.

Mupeni atola alekot.—Efesus 5:33.

Mupeni halan nekaf ma malinat.—Markus 10:6-9.

HIT PALSAI KAH NEU SULAT KNINO IN HANAN?

Teb. Natuin anmui lasi nono nua:

• Uisneno es nabuaba atoni ma bife fani keluarga mese. Sulat Knino naʼuab nak ”ale uf abit pahpinan sin an simo sin kanan” teb. (Efesus 3:14, 15, Uab Meto Neno-Neno) Yehuwa es nalalib keluarga ahunut. In otan sa neokit?

  Muneob nai: Kaul ho muah mnahat bose aminat, hom loim he muhin mnahat nane anmoʼe naʼko saʼ? Of ho mutan sekau? Ho mutan neu ahanat.

  On nane amsat, kaul ho he muhin monit malinat nbi keluarga pahpinan. So ho am toit hinet naʼko Yehuwa natuin in es Nabuaba atoni ma bife fani on keluarga mese.—Kejadian 2:18-24.

• Uisneno nek ma namnau kit. Keluarga-keluarga so sin napenin feinekat naʼko Usif Yehuwa natuin in aʼan. Naʼsa kah? ”Natuin Uisneno in anek ko.” (1 Petrus 5:6, 7, Uab Meto Neno-Neno) Yehuwa anloim ho monit in naleok-ma In feinekat nane naleko neis!—Amsal 3:5, 6; Yesaya 48:17, 18.