Watchtower INTERNET MÜLEYECHI LIFRU
Watchtower
INTERNET MÜLEYECHI LIFRU
mapudungun
ü
  • ñ
  • Ñ
  • ü
  • Ü
  • BIBLIA
  • FILLQUE PUBLICACION
  • FILLQUE TRAHUN
  • my nütram 39
  • Aaron ñi rayüchi retrü

Ngelai video tüfachi troquiñ meu.

Müna huesa, pepi pengelngelai ti video.

  • Aaron ñi rayüchi retrü
  • Tañi Lifru Biblia Nütram Nielu
  • Ca femngechi dungu
  • Caiñetufingün ta Chau Jehová
    Falinque rupan ca quimeltun entungelu Biblia mu
  • Moyse trawawfi ti lil fütra kura
    Tañi Lifru Biblia Nütram Nielu
Tañi Lifru Biblia Nütram Nielu
my nütram 39
Moyse nüniey Aaron ñi rayülechi retrü

NÜTRAM 39

Aaron ñi retrü rayüy

ADKINTUFINGE ti rayen (chichiken) ka afünke almendra tremkülelu tüfachi retrü. Fey ta Aaron ñi retrü. ¡Tüfachi pu rayen ka ti afülechi fün tremi kiñe pun müten! Peayiñ chumngelu (chemu) tüfa.

Pu Israel che alüñma mu nampiyawi (ñafkiawi) ti wellin mapu mew. Kiñeke rakiduamkey: ‘Moyse kümelay ñi longkoleal, ka Aaron kümelay ñi longko saserdoteleal,’ pirkeyngün. Kore femngechi rakiduamniey, ka femi Datan, Abiram ka epu pataka kechu mari longkolelu ti Israel che mu. Kom feychi wentru küpayngün ka feypifi Moyse: ‘¿Chumngelu am ayüymi tami doykülerpual kom iñchiñ mew?’

Moyse feypifi ta Kore ka tañi epu pataka kechu mari inaniekeetew engün: ‘Wüle puliwen mu, nüfimün tamün lüpümngepeyüm füchotun lawen, feymu tukuaymün insienso. Fey wüla küpayaymün Jewba ñi tolto ruka mew. Peayiñ iney ñi dullingen (ngümintungen).’

Ümañ mew, Kore ka tañi pu inaniekeetew küpayngün ti fütra tolto ruka mew. Fentren che küpayngün ñi kelluafiel Kore, Datan, ka Abiram ñi tolto ruka engün. Jewba rume illkuley (lladküley). ‘Püntüwmün tüfachi wedake wentru mew ñi tolto ruka,’ pirkey Moyse. ‘Nükilfimün chem no rume fey ñi ngen-ngen engün.’ Tati pu che feyentuy (müngeltuy), feymu püntütripay Kore, Datan ka Abiram ñi tolto ruka engün.

Fey mew Moyse feypi: ‘Fey tüfa mu kimaymün iney ñi dullin Jewba. Ti mapu nülatripayay ka lümüafi (ülkümfi) tüfachi wedake wentru.’

Fente dungulu Moyse, müchay müten nülatripay ti mapu. Kore, Datan ka Abiram ñi tolto ruka ka itrokom tañi nieel, ka itrokom che mülelu engün tranakoni, ka tati mapu wiñotraftuy. Allkülu kakelu pu che feychi tranakonlu ñi wirarün, wirari: ‘¡Lefmün! ¡Ti mapu ka lümüafeiñmew (ülkümafeiñmu)!’, pi engün.

Kore ka tañi epu pataka kechu mari inaniekeetew petu pülleley (püchü tripa) ti fütra tolto ruka mew. Feymu lle Jewba küpali kütral, ka kom lüfi engün. Fey mew Jewba feypifi Eleasar, Aaron ñi fotüm, ñi nüñmayafiel lüpümngechi che ñi lüpümpefuyüm füchotun lawen, ka ñi dewmayal kiñe rüngelay takun ñi takun-ngeal chi llangüll. Tüfachi llangüll (altar) ñi takun fey tañi kimeltungeal pu Israel che, Aaron ka tañi pu fotüm müten müley ñi serfiafiel Jewba saserdote reke.

Welu Jewba ayüy ñi küme pengelkünual ñi dullifiel Aaron ka tañi pu fotüm ñi saserdote ngeal. Feymu lle feypifi ta Moyse: ‘Kiduke Israel ñi trokiñ reñma ñi longkolelu, küpalpe ñi retrü. Levi ñi trokiñ reñma mew, Aaron küpalay tañi retrü. Fey mu tukunge kiduke retrü fütra tolto ruka mu, itrotripa tukulpangepeyüm kakon mu. Feyti retrü rayüle, feychi wentru dullifiñ ñi saserdote ngeal.’

Ümañ mu Moyse pemefilu, ¡Aaron ñi retrü rayüy ka afüy ñi fün almendra! ¿Peymi fewla, chumngelu Jewba ñi rayülfiel Aaron ñi retrü?

Números 16:1-49; 17:1-11; 26:10.

Ramtun chillkatun dungu

    Fillque chillca mapudungun mu (1993-2025)
    Tripayaimi
    Conaimi
    • mapudungun
    • Huercülelngeal
    • Chumcünuafimi ti pagina
    • Copyright © 2025 Watch Tower Bible and Tract Society of Pennsylvania
    • Términos y Condiciones de Uso
    • Política de privacidad
    • Configuraciones de privacidad
    • JW.ORG
    • Conaimi
    Huercülelngeal