Chaw Dios ñi Ngünenien mu, kom pu che ‘rüf ayüwküleayngün ñi mülen küme felen’ (Salmo 37:11).
¿Chem kimeltukey ti Biblia?
Biblia, ¿kelluafeymu tami fill rakiduamkülewenoal?
¿Chem piafuymi eymi?
May
Femlay
Femkayafuy chi
Biblia ñi feypilen
“Elkünumün Ngünechen mew kom tamün fill rakiduamelnieetewchi dungu, kisu am ta piwkeyenieetew ta eymün” (1 Pedro 5:7). Biblia feypikünuy Chaw Ngünechen tami kelluaetew ñi fill rakiduamkülewenoal.
Ti Biblia, ¿ka chem kimeltukeeiñmu?
Ngillatulmi, Chaw Dios eluafeymu “kisu tañi küme tüngün” tami fill rakiduamwenoal (Filipense 4:6, 7).
Kafey papeltulmi ti Biblia, tüfa kelluafeymu tami doy küme duamkületual (Matew 11:28-30).
¿Afpeay may taiñ fill rakiduamkülen?
Kiñeke che rakiduamkey ñi fill rakiduamküleal ka weda duamküleal koneltuley taiñ chengen mu, welu kakelu che rakiduamkey tañi fill rakiduamkülewenoal ka mongen dew ñi lan mu. ¿Chem pimi kay?
Biblia ñi feypilen
Taiñ Fütra Chaw apümkayafi taiñ fill rakiduameletewchi dungu. “Fey ngewelayay ta lan, ngüman no rume, eyütun no rume, kutrantun no rume” (Apokalipsi 21:4).
Ti Biblia, ¿ka chem kimeltukeeiñmu?
Chaw Ngünechen ngünenietule kom pu che tutelkaleay ka küme duamküleay (Isaías 32:18).
Fill wedake rakiduam ngoymakünungeay (Isaías 65:17).