2. ¿Pu che ñi duam mu pemay müley kutrankawün?

¿Chumngelu falin-ngey kimal tüfa?

Pu che ñi duam mu mülefule kutrankawün, tüfa engün kakerume dungu femafuy tañi fente kutrankawnoal.

Rakiduamnge tüfa

Inaduamnge ti müleyechi wedake dungu ñi rupan, fey ramtuwnge: “¿Pu che ñi duam mu pemay rupakey tüfa?”.

• 

  Wedalkangekey ta che.

  Kiñe trokiñche ngüneduami ta fentren che wedalkangey. Fey meli che mu, kiñe wülelkangey petu pichikalu. Kafey küla domo mu, kiñe domo wülelkangey ka nüntukangey kam femngey kakelu podngechi dungu (ñi feypiel tati Organización Mundial de la Salud).

• 

  Fentren che langümngey.

  2016 tripantu mu, epe 500.000 che langümngey wall Mapu mu (ñi feypiel tati Organización Mundial de la Salud). Kafey feychi tripantu mu, 180.000 che peno langümngey weychan kam fütrake kewan ñi duam mu.

• 

  Wedake kutran.

  Kiñe adümuwchi domo, Fran Smith pingey, feypi ta wall Mapu mu rume fentren che putremtukey, feymu kontukeeyew wedake kutran, kiñeke tüfa: piwke kutran, müllo kutran ka rume wedake kutran kontukeeyew tañi ponon mu. Feymu rume fentren che lakey putrem ñi duam mu (ñi wirintukuel ti revista National Geographic mu).

• 

  Weda feley pu che.

  Kangelu adümuwchi domo, Jay Watts pingey, feypi: “Rume fentren che pofrengey, welu kakelu rume ricungey, feymu kakerumey ñi trokitungeel engün. Kafey fentren che illamkangey tañi tuwün chengen mu ka kakelu dungu mu. Fentren che lefmawkey ñi mapu mew. Ka kiñeke che ayüniey ñi doy kümelu trokingeal ta kakelu mew. Kom tüfa rume weda duamelkeeyew pu che” pi tati domo.

  ¿DOY KÜPA KIMFUYMI?

  Taiñ sitio jw.org mu, peaymi ti video feypilelu ¿Chumngelu Chaw Ngünechen dewmay ti Mapu?

¿Chem kimeltukey Biblia?

Pu che ñi duam mu müley kutrankawün.

Fentren gobierno “kelluwayiñ” pikefi ta che, welu rüf kelluchekelay, feymu kutrankawkey pu che. Ngüneduamnge ñi feypin Biblia:

“Tati pu che ngüneniekefi ta kakelu pu che, fey kiñentrür ñi wedalkalerpual engün” (ECLESIASTÉS 8:⁠9).

¿Chumafuiñ taiñ fente kutrankawnoal?

Inayaiñ Biblia ñi ngülam, tüfa kelluaeiñmu taiñ doy küme feleal ka küme yewküleal kakelu che iñchiñ. Peaiñ kiñeke ngülam:

“Ñochi piwkengele ti che, tañi cuerpo nieay mongen, welu ti ütriruwün funañmayaeyew ñi foro” (PROVERBIOS 14:⁠30).

“Famentuafimün tamün piwke mew ti wedake rakiduam, ti wedake illutun, ti lladken, wirarün, ti wedake piwün, ka itrofill wedake dungu” (EFESIO 4:⁠31).