Chau Dios feipicünui ñi montuluhual taiñ mapu

Tüfa ñi feipin quiñe troquiñ cientifico nütramcalu chumngechi ñi caletuquen ti clima. Eimi feyentufilmi ñi mülen quiñe Chau Ngünechen duamtuniefilu pu che, ñi feipilen pu cientifico raquiduamelaeimu chumngechi Chau Dios deumafi ti mapu tañi quisutu lipümuucüleal.

Huelu pu che fente huesalcafilu am ti mapu, feimu pepi quisutu cümelcautulayafui. ¿Chumngelu maneluucüleafuiñ Chau Dios cuñiutucuafi ti mapu ca tañi nieelchi fillque mongen?

Ti inalechi texto pengelniei tati mapu ñi apümcangenoal ca rumel müleai fentren mongen fei mu.

• Chau Dios deumafi taiñ mapu. “Ellaca mu Chau Ngünechen deumai ti huenu ca ti mapu” (Génesis 1:1).

• Chau Dios ngen-ngei tachi mapu. “Chau Jehováa ngen-ngei ta mapu ca com ñi mülen tüfa mu” (Salmo 24:1).

• Chau Dios pepicacünufi ti mapu tañi rumel müleal. “Quisu tucucünufi chi mapu cheu ñi nehuentuucülemum, turpu nengümngelayai tañi mülequemum” (Salmo 104:5).

• Chau Dios feipicünui taiñ mapu rumel apoleai mongen mu. “Ti rüfngechi Ngünechen, feiti deumafilu [...] ti mapu, ca ngünam deumanofilu, doi mai deumafi ñi müleam tati pu che” (Isaías 45:18).

• Chau Dios feipicünui pu che rumel müleai mapu mu. “Tati pu norngechi che llohuai ti mapu ñi ngen-ngeal engün, ca rumel müleaingün fei mu” (Salmo 37:29).

Chau Ngünechen deumafi ti mapu pu che tañi ayühunquechi mongeleal ca ñi cuidanieafiel. Ti Biblia feipicünui Chau Jehová deu quimniei chumül apümafi pu huesalcamequefilu ti mapu (Apocalipsis 11:18).

Biblia feipi, deu rupale tüfa, Chau Dios cüme elcünutuafi ti mapu, ayüfal mülehuengetuai ca ‘eluafi com ñi duamtunieel com pu mongelelu’ (Salmo 145:16).