Wünen wentru ka domoche

CHEM kangentun müley tüfachi adentun mu? May, tati che pefimi tüfa. Fey ta wünen wentru ka wünen domoche. ¿Iney am dewmaeyew engu? Ngünechen llemay. ¿Kimüñmafimi ñi üy? Jewba pingey. Ka ti wentru ka domoche Adan ka Eva pingey engu.

Chaw Ngünechen Jewba Adan femngechi dewmafi: Entuy trufür (trufken) mapu mew, ka widüfürkefi kiñe yafkan-ngenochi wentru kuerpu mu. Fey mew pimufi wentru ñi yu, ka Adan mongerpuy.

Ngünechen elelkünufi Adan kiñe küdaw. Feypifi Adan: ‘Tukulelfinge üy kom kakewme kulliñ’. Adan ngüneduamkefi chi pu kulliñ alüntu mu, rakiduamkey chi: “¿Chem üy tukulelafun chi?”, ka üytuafiel. Petu femlu Adan tüfa, fey pey kiñe dungu. ¿Eymi kimimi chem dungu tüfey?

Pu kulliñ kiduke kompañ nieyngün. Müley karniru ka domo ufisa, alka trapial (fücha peñi) ka domo trapial (fücha lamngen) kay. Welu Adan nielafuy ñi kompañ. Feymu lle, Jewba trürümelfi ñi umawtun, ka nentuñmafi kiñe kadi foro. Pünefi tüfachi kadi, Jewba dewmalelfi kiñe domo Adan, femngechi kurengey.

¡Fewla müna ayüwküley Adan! ¡Ka müna ayüwküley Eva ñi mülen kiñe malaltükulechi rayen reke ñi mongeleam! Fey wüla nietuafuyngu yall (püñeñ), ka kiñe mu müleyngu, ayüwkülen mu.

Jewba ayülefuy Adan ka Eva ñi nieal afnoachi mongen. Ayülefuy fey engu ñi femal kom tüfachi Mapu ngeal chumngechi feychi doy tutelu malaltükulechi rayen, Eden trürlu. ¡Müna ayüwkülepelafuyngu Adan ka Eva rakiduamal ñi femal tüfa! ¿Ayüpelayafuymi koneltuleal feyti küdaw mu, tami ngeafiel Mapu kiñe tutengelu malaltükulechi rayen? Welu Adan ka Eva ñi ayüwkülen pichiñmay. ¿Chemu tati? Inaduamafiyiñ.