Chumngechi ñamümi engu chew ñi mülemum

ADKINTUFINGE chem rupaley. Adan ka Eva petu wemünentungey ti malaltükulechi rayen reke, Eden pingelu. ¿Kimimi chumngelu?

Rume weda dungu femlu engu. Feymu lle Jewba kastigafi (kutrankawtuyngu). ¿Eymi kimimi chumün Adan ka Eva engu?

Femi engu kiñe dungu ñi feypietew “femlayaymu”. Ngünechen feypifi engu: ‘Ikeafimu fill fün anümka mülelu malaltükulechi rayen mu.’ Welu kiñe anümka mülelu ‘ilafimu tüfachi fün nielu tüfachi anümka’ pifi, ‘ifilmu layaymu’. Ngünechen ngen-ngelu am. Ka dew kimiyiñ kümelay nüñmangeal ka che ngen-ngelu, ¿felelay? Welu ¿Adan ka Eva feyentufingu ta Ngünechen? Inaduamafiyiñ.

Kiñe antü, Eva kidulelu chi malaltükulechi rayen mew, kiñe filu dungueyew. ¡Pelleniefe! Chi filu feypifi Eva: ‘Ifinge müten feychi fün anümka, Ngünechen ilayaymu tami pietew’. Jewba dewmalu pu filu, dewmalafi ñi dungual. Feymu, mülefuy ka che dungulfi chi filu. ¿Iney am chi?

Adan no tati. Pu werken püllü müten. ¿Tukulpafimi pu werken püllü? Kuyfi mu, petu ñi dewmanon Mapu, Jewba dewmay pu werken püllü. Pelafuyiñ. Kiñe mallma (rakiwülngey) ngetuy. Weda rakiduam tukuy: ‘Müley iñche ñi ngünenieal kom, Ngünechen reke. Ka kom che müley ñi feyentunieaetew (müngeltunieaetew) iñche müten, welu Jewba no’. Kidu femi chi filu ñi dungual.

Tüfachi werken püllü pepili ñi ngünenkafiel Eva. Feypifilu chi domo: “Ifilmi feychi fün anümka, Ngünechen reke ngeaymi”. Chi domo feyentueyew. Feymu ifi, Adan ka femi. Adan ka Eva feyentulafingu Ngünechen, femlu engu ñamümi ñi küme mülewe, feychi malaltükulechi rayen.

Welu akuay chi antü Ngünechen ka wiño tutengeay Mapu, chumngechi Eden malaltükulechi rayen. Fey wüla peafiyiñ chumngechi eymi kelluafuymi tüfa mew. Fewla peafiyiñ chem dungu ñi rupan engu Adan ka Eva.