¿Chumlekefuy ti mongen feychi küme mülewe mew?

Ngünechen elufi Adan ka Eva engu itrofill tañi duamnieel Génesis 1:28

Jewba dewmay wünen domo, Eva pingefuy, ka elufi ta Adan ñi niewal engu (Marku 10:6, 7).

Ngünechen dewmafilu Adan Eva engu, elufi küme rakiduam ka tutengechi mongen.

Mülekefuyngu feychi adelkalechi lof mew, Eden pingekefuy: feychi mülewe rume küme ad nierkefuy, chew mülemum kiñe lewfü, fentren anümka ka kulliñ. Feyta küme mülewe ngefuy.

Jewba dungukefeyew ka kimeltukefeyew engu. Ñi rumel mongeleal engu ti küme mülewe mew, mülefuy ñi allkütuafiel ka inanieafiel Ngünechen ñi feypiel.

Ngünechen feypifi engu: ‘ilayafimu tati fün nielu tüfachi anümka’. Génesis 2:16, 17

Ngünechen feypifi Adan ka Eva engu: ‘ilayafimu tati fün nielu tüfachi anümka, mülelu küme mülewe mew. Ifilmu feyti fün, layaymu’.

Fey kiñe püllü wedañmawi, ka kayñetufi ta Ngünechen. Feychi weda püllü Satana, ka Weküfü pingekey.

Satana ayülay tüfa engu ñi allkütuafiel ta Jewba. Kiñe filu mew, ti Weküfü feypifi Eva: ‘Ifilmi feychi fün, lalayaymi. Ngünechen reke feleaymi’. ¡Re ngünenkan dungu ürke! (Génesis 3:1-5.)