QUIMELTUN 02
Biblia feipi taiñ cüme feletual
Fachantü com pu che huesa duamcülequei ca müna cutrancauquei, ¿chumngelu?a Fentren huesaque dungu rupamequeingün. Eimi, ¿ca femngechi rupamequeimi chi huesaque dungu mu? ¿Nieimi chi quiñe huesa cutran? ¿Layeluucüleimi chi? Fei eimi ramtuuqueimi chi: “¿Ca antü cümelcalepetuafun mai?”. Biblia huiñoldunguquei tüfachi ramtun, fei ngüneduamfilmi, quimaimi llemai.
1. ¿Chem cümeque dungu hulquei Biblia?
Biblia feipi chumngelu ruparupangei huesaque dungu Mapu mu. Huelu feica müten no, ca feipi pichiñma mu apümcangeai com tami cutrancaqueteu. Biblia ñi feipin quelluafeimu tami cüme feleal ca maneluucüleal (papeltuaimi Jeremías 29:11, 12). Maneluucülelmi Biblia ñi feipin mu, yafüluucüleaimi ca nieaimi cümeque raquiduam rupalmi rume huesaque dungu mu. Femngechi ayüucüleafuimi feula ca cüpalechi antü meu.
2. ¿Chem cümeque dungu rupayai?
Biblia feipi “ngehuelayai ta lan, ngüman no rume, eyütun no rume, cutrantun no rume” (papeltuaimi Apocalipsis 21:4). ¡Felei llemai! Com tami cutrancaqueteu ngehuelayai. Fill püle tati pu che rupaquei huesaque dungu meu, fillalei, contuqueyu huesaque cutran ca laquei. Huelu ti Biblia feipi pichiñma mu tati Mapu cüme feletuai ca com iñchiñ rumel ayüucületuaiñ.
3. ¿Chumngechi quimafuimi ñi rüfngepen mai chem pin Biblia?
Tati pu che feipingeafui ñi cüme feletual ta dungu, huelu cüdautuafuingün ñi maneluhual tañi feipingeel mu. Huelu Biblia ñi feipin, ¿rüf maneluhuafuimi cai? Femafuimi llemai. Fei, ¿chumafuimi? Fill antü cüme ngüneduamafimi chem pin Biblia (Hechos 17:11). Femngechi femülmi, quimürpuaimi chem pin Biblia ñi rupayal cüpalechi antü meu, fei raquiduamafuimi ñi rüfngepen mai tañi feipin.
DOI QUIMAIMI
Ngüneduamaiñ chem pin Biblia ñi rupayal cüpalechi antü meu ca chumngechi tüfa quelluniefi ta fentren che fantepu mu.
4. Biblia feipi ayühunquechi mongeleaiñ rumel meu
Ngüneduamaiñ quiñeque dungu ñi feipicünuel Biblia. ¿Chuchi am doi ayüfimi? ¿Chumngelu cai fente ayüfimi?
Papeltuaiñ chem pin Biblia, ca ngüneduamaiñ ti epu ramtun:
Ñi feipin Biblia, ¿rüf quelluafeimu? Tami familia cam tami pu hueni, ¿ca quellupeafeyu mai?
Ramtuunge:
¿CHEM HUESAQUE DUNGU NGEHUELAYAI? |
¿CHEM CÜMEQUE DUNGU MÜLETUAI? |
|---|---|
|
|
|
|
|
|
|
|
|
|
5. Biblia ñi feipin, rüf quelluqueiñmu
Huall Mapu meu fentren huesaque dungu ruparupangei, fei pu che huesa duamcülei ca lladcünagquei. Fei quiñeque engün fillque dungu mu conqueingün ñi norümtuafiel ti huesaque dungu. Huelu Biblia ñi feipicünuel, ¿chumngechi quellumequefi ta fentren che? Peaiñ ti VIDEO, ca ngüneduamaiñ ti epu ramtun.
Tañi curü chengen mu, ¿chem che troquingequefui Rafika?
Huesa rupalu rume ta Rafika, ¿chumngechi quellueyu ñi feipin Biblia?
Fentren huesaque dungu rupayafuiñ, fei huesa duamcüleafuiñ. Huelu maneluuliyiñ Biblia ñi feipin mu, nehuencontuaiñ. Papeltuaiñ Proverbios 17:22 ca Romanos 12:12, ca ngüneduamaiñ tüfachi ramtun:
Maneluhulmi Biblia ñi feipin meu, ¿doi cüme duamcüleafuimi? ¿Chumngelu femngechi raquiduamqueimi?
QUIÑEQUE CHE FEIPIAFEIMU: “Cüme dungufel Biblia ñi feipicünuel, huelu ¿felepeai mai chi dungu?”.
¿Chumngelu falin-ngei tami quisutu ngüneduamafiel Biblia ñi feipin?
TAMI QUIMEL
Biblia feipi ñi rupayal fentren cümeque dungu. Fei loncontucufilmi, cüme feleafuimi rupalmi rume huesaque dungu.
¿Chem piafuimi?
Pu che, ¿chumngelu duamniei ñi quimal Biblia ñi feipicünuel?
¿Chem feipi Biblia ñi rupayal cüpalechi antü meu?
Loncontucunielmi cai ti cümeque dungu ñi rupayal, ¿chumngechi quelluaimu feula?
CA PEAFUIMI
Doi quimaimi tami maneluhun mu.
“Maneluucüleliyiñ, ¿rüf quellupeafeiñmu mai?” (¡Tami quimafel! 22 abril, 2004)
Biblia ñi feipin, ¿quellupeafui pu cutrancheucülelu? Pefinge ti cüpalechi dungu.
“Cutrancüleliyiñ, ¿quelluafeiñmu ta Biblia?” (Troquiñ internet mu)
Peafuimi tüfachi video nielu musica. Fei raquiduamnge feichi antü mu re cümeque dungu mülealu.
Ngüneduamnge quiñe huentru maneluhui Biblia ñi feipin mu, fei cambiatui ñi raquiduam.
“Raquiduamhuelan rume iñche ñi cüme elcünutual chi Mapu” (Ti Huerquen 1 julio, 2013)
a Chemu.