¿Chumngechi doi cüme femngeafui ti trahun ñi amuldungual?

Tati trahun femngequelu ñi amuldungual ca caquelu trahun, Jehová meu cüpai. Quelluqueiñmu taiñ hueluconque piuqueyehual ca yafültucuhual (Heb 10:24, 25). Ti trahun femngequelu ñi amuldungual regle minuto puhuafui. Tüfa meu adcünungequei pu peñi ca pu lamngen amuldungualu, feipingequei cheu amuldungungeai ca femngequei quiñe llellipun (tüfachi trahun femngele deulu müten ca trahun, doi matu femngeai ti trahun ñi amuldungual). Ti peñi loncolealu mülei ñi pepicaucüleal, femngechi quelluafui pu amuldungualu. Raquiduamnge tüfachi dungu, fentren peñi ca lamngen afchi semana müten chi conquei ñi amuldungual, fei doi cümeafui ñi feipingeal chem nütramcalelafiel tati pu che. ¿Ca chem falinque dungu ngüneduamngeafui tüfachi trahun meu?

• Ngüneduamngeafui ñi feipin tati troquiñ “Chem nütramcayafuiñ” mülelu Taiñ Mongen ca Taiñ Amuldunguqueel, ti papel taiñ pepicahuam.

• Ngüneduamngeafui chumngechi pünengeafui quiñe allcüelchi noticia ñi amuldunguafiel tati pu che.

• Tati trahun mu, ca ngüneduamngeafui chumngechi huiñoldunguafuiñ tati pu che catrütudungueliyiñmu.

• Amuldungun meu peafuiñ che feyentuquenolu Ngünechen meu, quiñeque feyentuquelu evolucion meu, caquelu che ca quehun dunguquelu cam conquelu müte quimngequenoelchi religion. Fei ti trahun mu ngüneduamngeafui chumngechi amuldungulelafiel engün.

• Ngüneduamngeafui chumngechi pünengeal fillque quellun mülelu jw.org, JW Library^® cam Biblia meu.

• Ca ngüneduamngeafui feichi lifru, papel ca video mülelu tati fillque quellu taiñ quimeltucheal pingechi troquiñ meu.

• Ngüneduamngeafui fillque ngülam taiñ amuldungual telefono mu, carta meu cam cheu ñi rupaquen fentren che. Ca femngechi chem pial huiñopemetufiel mu ta che cam quimeltulelfiel Biblia.

• Cafei feipingeafui falinque ngülam taiñ yamün meu amuldunguyahual, chumngechi cuñiutucuucüleafuiñ ca chumafuiñ taiñ fentecünunoal taiñ cüme raquiduamcülen.

• Ngüneduamngeafui quiñe quimeltun cam video tripalu ti folleto Eluwnge tami küme papeltual ka kimeltucheal pingelu.

• Ngüneduamngeafui falinque ngülam taiñ yafültucuafiel ca quelluafiel taiñ compañ amuldungun meu.

• Feipingeafui quiñe troquiñ Biblia cam quiñe rupaelchi dungu nüucülelu amuldungun meu.