¿Chem quimeltu­eiñmeu Samuel tañi rupan?

Samuel com tañi mongen meu nor piuqueyefi ta Jehová. Pichi huentrungelu rume, reyüconlai huesaque dungu meu, chumngechi ñi femün Elí tañi pu fotüm, Hofní ca Finehás pingelu (1Sa 2:22-26). Samuel amulei tañi tremün, fei Jehová rumel quellunieyu (1Sa 3:19). Samuel fütra huentrulu püntütripalai Jehová tañi rüpü, huelu tañi pu fotüm quisu reque femlaingu (1Sa 8:1-5).

¿Chem quimeltuafeiñmeu Samuel tañi femün? Huechengelmi maneluhuafuimi Jehová ñi cüme quimnien chem dungu tami rupamequen ca tami chum duamcülen. Quisu quelluaimu tami nehuen piuque nieal (Is 41:10, 13). Cafei Samuel tañi rupan yafültucuafui pu chau nielu yall poyequenofilu ta Jehová. Samuel obligalafui tañi tremcülechi fotüm ñi poyeafiel ta Jehová. Huelu maneluhui Jehová meu ca amulecai tañi nor piuqueyefiel ta quisu. Fei fentecünunolmi tami piuqueyefiel Jehová, tami pu yall eluhuafuingün tañi poyetuafiel ta Jehová.

PEFINGE TI VIDEO INAYENTUFIMÜN ÑI FEMÜN: SAMUEL, CA HUIÑOLDUNGUNGE TI MÜLEYECHI RAMTUN:

• 

  Pichicalu Samuel, ¿chumngechi pengeli tañi nehuen piuquengen?

• 

  Dani, ¿chumngechi pengeli tañi nehuen piuquengen?

• 

  Putrem chengelu Samuel, ¿chumngechi pengeli tañi inayentufalngen?

• 

  Dani tañi pu chau, ¿chumngechi pengelingu tañi inayentufalngen?