Com cutrancauquei mülen mu hueichan

“Fill antü pengei chumngechi ñi langümngen ta che ca fütra allfülen, quiñeque turpu tremoltulayai. Quimlaimi chem dungu mu tami rupayal” (ñi feipin Gary, Gran Bretaña mu).

“Tralcatungen tañi furi ca ange mu. Ca pefiñ fentren che chumngechi ñi langümngen, fütaqueche ca pichiqueche cütu. Hueichan ñi duam mu, ngehuelai cutranpiuqueyehun” (ñi feipin Wilmar, Colombia mu).

“Pefiel mu ñi tralcatungen quiñe che, marcalehuequei reque tañi lonco mu. Allcütuniequefiñ ca peniefiñ reque. Feichi che petu huirarcüleingün reque tañi lonco mu. Turpu ngoimaquelafiñ ñi rupan dungu” (ñi feipin Zafirah, Estados Unidos mu).

“Fentepualu tañi ayühun troquihun. Llicalen tañi layal, huelu doi mai ñi langümngeal tañi pu che ca hueni” (ñi feipin Oleksandra, Ucrania mu).

“Taiñ ngillayal iyael mülefui taiñ üngümnieal 21 hora quiñe fila mu. Üye mu rume pellquelefuiñ taiñ tralcaturumengeal” (ñi feipin Daler, Tayikistán mu).

“Tañi chau ca ñuque langümngei hueichan mu. Cuñifallcülehuen, ngelai inei tañi yafültucuaeteu ca cuñiutucuaeteu” (ñi feipin María, Ruanda mu).