Deu rupai quiñe tripantu ñi mülen hueichan Ucrania mapu mu | ¿Chem maneluhun hulquei ta Biblia?

Viernes 24 conchi febrero cüyen, 2023 tripantu mu, deu rupai quiñe tripantu tüfachi huesa dungu: ñi ellaconün ti hueichan Ucrania mapu mu. Quiñeque huirintucun feipiquei ñi lan ca ñi allfülen doi 300.000 soltau Ucrania ca Rusia mapu tuulu ca ñi lan 30.000 che peno. Huelu feipingequei doi fentren che ñi lan.

Afnoalu ti hueichan troquingequei, rume hueñancün-ngei.

• “Epe quiñe tripantu rupai pu Rusia hueichafe ñi lefcontufiel ta Ucrania, chem no rume pengeli ñi afal tüfachi hueichan. Tüfachi epu troquiñ mapu petu pengelaingu tañi huehual ca eluucülelaingu ñi cümelcautual” (NPR [radio pública nacional de Estados Unidos], 19 conchi febrero, 2023 tripantu).

Feimu tüfachi hueichan ñi duam mu, rume hueñancülequei pu che. Ñi ruparupangen fill hueichan mapu mu, rume cutrancauquei che. ¿Chem maneluhun hulquei ta Biblia? Quiñe antü, ¿afpeai mai pu hueichan?

Quiñe hueichan apümafilu itrofill hueichan ñi mülen

Tati Biblia nütramcai ñi müleal quiñe hueichan, huelu apümcalayafi tati pu che, doi mai montulafi engün. Biblia mu, Apocalipsis lifru mu feipi tüfachi hueichan Armagedón pingelu “rupayai Chau Ngünechen ñi fütra antü meu, tati Com Nehuen Nielu” (Apocalipsis 16:14, 16). Tüfachi hueichan mu, Chau Ngünechen apümafi com pu gobierno, tüfa engün cutrancaquefilu cai pu che fillque hueichan mu. Tami quimal chumngechi Armagedón quelluafi pu che ñi tüngcüleal, papeltuafuimi tüfachi dungu:

• “¿Chem am Armagedón?”

• “Rume ayünieiñ ñi akual ta Armagedon”