Pu cristiano, ¿coneltuquei hueichan mu? ¿Chem pilei Biblia?

Ucrania mu mülei hueichan, feimu peiñ pu loncolechi religioso ñi ngüchaltucufiel tati pu che ñi coneltual hueichan mu engün. Ngüneduamnge ñi feipin pu loncolechi religioso ca chumngechi epuñpüle chaftuuqueingün:

• Tati metropolitano Epifanio I de Kiev feipi: “Saquiquefiyiñ ca mañumfiyiñ com taiñ pu hueichafe, incaquefingün tañi mapu Ucrania. […] Fei engün mu ngillatuqueiñ com piuque mu ca nieingün com taiñ quellu” (ñi feipiel The Jerusalem Post, 16 marzo 2022).

• “Tati Iglesia Ortodoxa Rusa ñi loncolechi religioso femi quiñe trahun ñi yafültucuafiel pu hueichafe. Domingo antü feipifi engün ñi incayafiel tañi pais ‘quisu ñi quim femün mu engün’ pifi. Moscú petu amulniei ñi hueichan Ucrania mu” (ñi feipiel Reuters, 3 abril 2022).

Pu cristiano, ¿mülefui ñi coneltual hueichan mu? ¿Chem pi Biblia?

Biblia ñi feipiel

Biblia feipi pu inaniefilu ta Jesús coneltuquelai ta hueichan mu.

• “Huiño tucunge tami fütra cuchillo cheu tami niequefiel. Tati fütra cuchillo mu quehuaquelu, fütra cuchillo mu langümngeai” (Mateo 26:52).

  Quiñe che ngüchalniefilu ta hueichan cam coneltulelu, ¿rüf feyentuniefi Jesús ñi feipin?

• “Eluhuayiñ quiñe hue huercün dungu: hueluquentu piuqueyehuaimün. Chumngechi iñche piuqueyehuiyiñ ta eimün, hueluquentu piuqueyehuaimün. Femngechi hueluquentu piuqueyehulmün, com pu che quimai tamün inaniemufiel ta iñche” (Juan 13:34, 35).

  Quiñe che quelluconcülele hueichan mu, ¿rüf pengelafui piuqueyen chumngechi ñi feipifiel Jesús tañi pu inanieteu?

Tami doi quimal, papeltuafuimi ti troquiñ “El cristianismo y la guerra: ¿son compatibles?”.

Pu cristiano ca ti hueichan

Famülque mu, ¿rüf coneltulayafui pu cristiano hueichan mu? Femlayafui llemai. Biblia feipi taiñ mülen antü mu, ‘afaelchi antü’ ca pingelu, huall mapu mu müleyechi quiñequentu che adümhuelayai ta hueichan. Femngechi inanieingün Jesús ñi feipin (Isaías 2:2, 4).

• Tami doi quimal, papeltuafuimi ti fillque troquiñ feipilelu “¿Qué piensa Dios de las guerras?” tripalu La Atalaya meu.

Pichiñma mu, Jehová Diosa “hulquelu cüme tüngün” ngünenietuafi ta mapu. Femngechi montulafi pu che cutrancangequelu ca quehuatungequelu (Filipenses 4:9; Salmo 72:14).

• Tami doi quimal, pefinge ti video ¿Chem am ta Chau Dios ñi Reino?