Rusia huilucontufi Ucrania

Pu autoridad com chüf Mapu meu nehuencünuhuingün ñi catrütuafiel tati aucan, huelu Rusia huilucontufi ta Ucrania epe hun 24 conchi febrero 2022 meu. ¿Chumngechi huesalcayafeiñmu ñi rupan com tüfachi huesaque dungu? António Guterres pingechi secretario Naciones Unidas mu feipi: “Tüfachi aucan rume huesalcayafi com chüf Mapu ca cutrancayafi com che, teifücayai ca huesalcafi Europa, cuñiutuculehuelayai che”.

Biblia ñi feipin, ¿chumngelu falin-ngei tüfachi dungu ñi rupamequen?

• Jesús feipicünui ñi acual quiñe antü “quiñe troquiñ mapu ta hueichayalu cangelu troquiñ mapu engu” (Mateo 24:7). Papeltufinge ñi feipilen fau “¿Chem dungu pengeli taiñ mülen afaelchi antü meu?”, tami peafiel ñi ruparupangen ñi feipicünuel Jesús ñi profecia mu.

• Apocalipsis lifru mu, huiriconcülei tüfachi aucan adentulei quiñe jinete anülei quiñe quelü cahuellu mu cütral quechilelu, eluhui ñi müntuñmayafiel Mapu ñi tüngcüleal (Apocalipsis 6:4). Papeltuafimi ñi feipilen fau “¿Qué representan los jinetes del Apocalipsis?”. Fei peaimi famülque mu mülechi aucan huechutripamequei chumngechi ñi feipicünuel tati profecia Apocalipsis lifru.

• Daniel ñi lifru feipicünui ti rey del norte ca ti rey del sur ñi caiñetuhual engu (Daniel 11:25-45). Peafimi ti video Daniel capitulo 11 huechutriparpui, femngechi quimürpuaimi Rusia ca tañi pu quelluntucuqueteu rey del norte ngei engün.a

• Apocalipsis ca feipi Ngünechen com nehuen nielu ñi antü meu acuai quiñe hueichan (Apocalipsis 16:14, 16). Tüfachi hueichan mu, hueichalayai pu troquiñque mapu chumngechi ñi rupamequen famülque mu. Pefinge ñi feipilen fau “¿Chem am Armagedón?”, tami quimal chumlerpual tüfachi aucan cüpalechi antü mu.

¿Chumngelu quimnieiñ ñi cüpalen doi cüme antü cüpalechi antü mu?

• Chau Dios feipi Biblia mu apümcayafiel com hueichan “itrocom Mapu mu” (Salmo 46:9). Peafimi ñi feipilen fau “Chaw Dios ñi Gobierno, ¿chem femürpuay?”, femngechi doi quimaimi ñi feipicünuel ta Chau Dios.

• Jesús quimelfi tañi pu discipulo ñi pediafiel ta Chau Dios ñi cüpayal tañi Gobierno (Mateo 6:9, 10). Tüfachi Gobierno huenu mu mülei, femngechi Dios cümecünutuafi tüfachi Mapu ca ayüniei ñi tüngcületual com troquiñque mapu. Peafimi ti video ¿Chem am ta Chau Dios ñi Reino?, ca quimaimi chumngechi tami cümelcayafeteu Chau Dios tañi Gobierno.

Ucrania mapu mu mülei doi 129.000 Dunguquelu Ineingen Jehová. Com chüf Mapu meu pu Dunguquelu Ineingen Jehová inayentuquefingün Jesús tañi coneltuquenon chem politico dungu mu no rume, ca coneltuquelaingün hueichan mu (Juan 18:36). Com huall Mapu mu pu Dunguquelu Ineingen Jehová amuldunguleingün Chau Dios ñi Gobierno ñi cümeque dungu, quimeltuqueingün ñi rupahuenoal huesaque dungu com che mu, hueichan cütu ñi ngehuenoal (Mateo 24:14). Ayülmi doi quimal ñi chem pin ta Biblia, feipiafuimi quiñe Dunguquelu Ineingen Jehová cam huirintuculelmuafuiñ.