Pu papeltuquelu ñi ramtuqueel

Ti huirintuculu Proverbios 30:18, 19 feipi ñi adümquenofiel “ti huentru ñi mülen quiñe üllcha domo engu”, ¿chem pifui?

Ti texto feipi: “Mülei 3 dungu tañi adümquenoel. Mai, 4 adümlafiñ: ñi müpüquen ti ñamcu huenu meu, ti filu ñi miyauquen huente cura meu, ti farcu ñi miyauquen ponhuitu lafquen mu ca ti huentru ñi mülen quiñe üllcha domo engu”. Fentrenque che ca feiti cüme quimniefilu Biblia ramtuuqueingün chem pifel feitachi texto (Prov. 30:18, 19).

Cuifi mu, feipin mu “ti huentru ñi mülen quiñe üllcha domo engu”, huesa feipilu troquiquefuiñ. ¿Chemu? Caquelu versiculo tüfachi capitulo mu nütramcaquei quiñeque dungu mu cümenolu, feipiquelai ñi fentecünual (Prov. 30:15, 16). Ca ti versiculo 20 mu nütramcaquei quiñe ñihuafe domo mu, quisu feipiquei tañi huesa femquenon. Cuifi raquiduamquefuiñ tüfachi versiculo nütramcaquei quiñeque dungu tañi femquen, huelu caquelu che quimquelafui. Quiñe ñamcu müpüyauquei huenu mu, quiñe filu huinolquiyauquei huente cura, quiñe farcu miyauquei ponhuitu ti lafquen mu, huelu caquelu che quimlayafui. Ca femngechi quiñe huentru femafui quiñe dungu, huelu caquelu che quimlayafui rume piquefuiñ. Feimu ti texto feipilu “ti huentru ñi mülen quiñe üllcha domo engu”, raquiduamquefuiñ tüfachi huentru ñi ngünencaquefiel ti üllcha domo ñi cudumafiel.

Huelu doi cüme ngüneduamfiel mu ti versiculo, quimtucuiñ ñi nütramcamequen cümeque dungu. Ti huentru huirintuculu tüfachi proverbio nütramcai tañi afmatuleteu.

Tüfachi proverbio hebreo huirintucun mu ca pengeli ñi nütramcan cümeque dungu mu. Quiñe diccionario biblico pengeli Proverbios 30:18 feipilu “mülei 3 dungu tañi adümquenoel”, ca rulpadungungeafui “mülei 3 dungu tañi afmatuleteu”.

Quiñe profesor quimeltuquelu quiñe falin universidad Estados Unidos mu, Crawford Toy pingei, quisu ca feipi tüfachi versiculo nütramcalai huesaque dungu mu. Doi mai nütramcai tañi afmatufalngen quiñeque dungu.

Feimu feipiafuiñ Proverbios 30:18, 19 nütramcai afmatufalchi dungu mu. Afmatulqueiñmu chumngechi tañi müpüquen tati ñamcu, chumngechi tati filu müchai müten rumequei huente cura, ca feitachi fütraque farcu chumngechi ñi miyauquen ponhuitu lafquen mu. Ca femngechi afmatulqueiñmu chumngechi quiñe hueche huentru ca quiñe üllcha domo ayüuqueingu ca nieuqueingu tañi ayüucüleal.