Cutrancüleliyiñ, ¿quelluafeiñmu ta Biblia?

Biblia ñi quimeltuqueel

Felei. Chau Ngünechen duamtuniefi ñi pu che cutrancülelu. Tañi manelfalchi che mu, Biblia feipi: “Jehová quellunieafi petu ñi cutrancülen” (Salmo 41:3). Müna cutrancülelmi ti cüpalechi cüla ngülam yafültucuafeimu:

1. Ngillatuafiel ta Chau Dios tami nehuentuaeteu. ‘Ngünechen tañi cüme tüngün’ quelluaimu tami fill raquiduamcülehuenoal ca nehuentuaimu tami hueutripaleal (Filipenses 4:6, 7).

2. Cüme raquiduam nieal. Biblia feipi: “Quiñe ayüucülechi piuque tremoltuchequei, huelu ti nehuencülelu ñi huesa duamcülen ngañhuadelqueyu” (Proverbios 17:22). Ayengentucünulmi, tüfa ayühulafeimu ca quelluafeimu tami tremoleal.

3. Maneluucüleal taiñ Fütra Chau ñi feipicünuel mu. Cutrancülelmi rume ti maneluhun quelluafeimu tami ayüucüleal (Romanos 12:12). Biblia feipicünui ñi puhual ti antü, fei “inei no rume feipilayai: ‘Iñche cutrancülen’” (Isaías 33:24). Chau Ngünechen apümafi fillque cutran pu che ñi pepi tremoltuquenoel famülque mu. Cafei apümafi pu che ñi füchalerpun, Biblia feipi: “Tañi cuerpo doi tremolepe tañi huechengefel mu; ca huiño nehuentulepe tañi huechengen ñi antü mu reque” (Job 33:25).

Dungu: Pu Dunguquelu Inei Ngen Jehová maneluuqueiñ taiñ quelluqueteu Chau Ngünechen, huelu eluuqueiñ taiñ lahuentuñmangeal cutrancüleliyiñ (Marcos 2:17). Huelu feipiquelafiyiñ pu che chumngechi ñi lahuentuñmangeal, quisuque engün mülei ñi dullial chem chumal.