Huesa cutran contuelmu

Linda pingei quiñe domo 71 tripantu nielu. Quisu feipi: “Iñche contueneu cancer tañi ponon ca colon mu. Fei quimlu müten ta tüfa, ¿lapelayan müten? pin. Huelu huiñotulu ruca mu, yafüluhun. Fei raquiduamquelafun rume tañi contuaeteu huesa cutran, cüme tripayan pifun”.

Elisa pingei cangelu domo, 49 tripantu nielu, feipilu: “Nien quiñe huesa cutran tañi ange mu huele püle. Rume hueñancüleneu tüfa. Quiñeque mu quisulelu troquiuquen, fei quisutu langümuhuan piquefun”.

Quiñe cutrancülechi huentru mülelu silla de ruedas mu hualloñmaeyu tañi pu piuqueyenieelchi che

HUESA cutran contuelmu eimi cam quiñe tami pu che, müna hueñancüleimi chi. Tüfa müna huesa duamelafeimu, lladcülcayafeimu ca llicalcayafeimu. Doi mai fentren rupa amulmi pital mu, pepi cullinolmi cam cüdautulmi tami lahuentuñmangeal cam huesa duamelelmu tami lahuen. Fei llemai, ¡müna huesa duamelafeimu quiñe huesa cutran!

¿Chem quelluafeimu? Ngillatufinge ta Chau Dios ca papeltunge Biblia nütram tami yafültucuaeteu. Eluunge tami quelluaeteu tami pu che ca tami pu hueni. Fentren che müna cüme duameleyu tañi femün mu tüfa.

¿CHUMAFUIMI TAMI DOI CÜME DUAMCÜLEAL?

Tüfa feipi Roberto, quiñe cutran che, 58 tripantu nielu: “Tami chaftuafiel tami huesa cutran, maneluunge Chau Dios mu, quisu ta quelluaimu tami amuleal. Llellipufinge, fei feipifinge tami chum duamcülen. ‘Eluen tami nehuen Chau Ngünechen’ piafimi. ‘Eluen tañi yafüluhual, fei tañi yafültucuafiel tañi pu che’ piafimi”.

Roberto ca feipi: “Tañi pu che fill antü mütrümeneu, ¿chumleimi? pieneu. Tañi pu hueni cañpüle mülelu ca yafültucueneu. Fei nehuencontun ca yafüluucületun. Felei llemai, taiñ pu che müna quelluafeiñmu ca cüme duamelafeiñmu”.

Eimi cutrancülenolmi rume, ¿chumafuimi tami yafültucuafiel ta quiñe che huesa cutran nielu? Ngüneduamnge Linda ñi feipin: “Pu cutrancülelu duamniei tañi cüme raquiduamal. Feimu re nütramcalayafimi tañi huesa cutran mu, caque rume dungu mülei tami nütramcalelafiel”.

Huelu huesa cutran contuelmu, Chau Dios ta quelluaimu ca ti Biblia nütram yafültucuaimu. Tami pu che ca tami pu hueni cüme duamelafeimu. Feimu ngünam mongelen pihuelayaimi.

Biblia ñi feipin müna quelluchequei

Recüluunge Chau Dios mu

“Ramtufiñ ta Jehová, fei quisu huiñoldungueneu. Quisu ta montuleneu com tañi llicalcaqueteu mu. Hueñancülelu iñche llellipun, fei Jehová allcütueneu” (Salmo 34:4, 6).

Linda feipi: “Llellipulu iñche, tremoltuen piquelafiñ ta Chau Ngünechen. Doi mai ‘nehuentucuen, quelluen tañi yafüluhual cutrancüleli rume’ piquefiñ”.

Biblia ñi feipin nehuentucuaimu

“Inei no rume feipilayai: ‘Iñche cutrancülen’” (Isaías 33:24).

Chau Dios feipicünui pu che ñi cüme feleal. Piuquentucufilmi tüfa, maneluhuaimi quisu mu ca nehuencontuaimi llemai.

Tami pu che ca tami pu hueni quelluafeimu

“Quiñe rüfngechi hueni rumel piuqueyechequei, ca quiñe peñi reque felei ñi mülen mu hueñancün” (Proverbios 17:17).

Elisa ca feipi: “Eluunge tami quelluaeteu tami pu hueni. Quiñeque mu quisulelu troquihuafuimi, fei ‘Chau Dios no rume allcütulaeneu’ piafuimi. Huelu müna hueñancülefulmi rume, püntütripaquilnge tami pu hueni mu”.