Mülele ñihualuhun ti curehuen mu

MÜLELE ñihualuhun ti curehuen mu, müleai ta hueñancün. Quiñeque che eluuquei perdonayafiel tañi ñihualeteu huiñoraquiduamtule. Huelu caquelu che hudaquei müten.a Huelu chem dullile rume tati ñihualngelu, müna huesa duamcüleai. Fei, ¿chumafui tañi fente hueñancülenoal?

BIBLIA ÑI NGÜLAM MÜNA QUELLUCHEQUEI

Alün che ñihualngelu, müna yafülduameleyu quimal Biblia mu Chau Dios tañi quimüñmaeteu ñi huesa rupan ca tañi cutranpiuqueyeteu (Malaquías 2:13-16).

“Rume fentrelu iñche meu tañi fill raquiduamcülen, eimi [Chau Dios] nehuentuen ca yafüduamelen” (Salmo 94:19).

Feichi huentru Bill pingelu, feipi: “Papeltulu iñche tüfachi texto, ‘Huenu Chau piuqueyen mu yafülduameleneu, quiñe cüme chau reque’ pifun”.

“Eimi nor piuqueyeafimi tati che nor piuquengelu” (Salmo 18:25).

Tüfa ñi rupan Carmen. Quisu tañi huentru ñihualeyu fentreñma mu, feimu feipi: “Tañi huentru nor piuqueyelaeneu. Huelu maneluuquen mai Chau Dios tañi nor piuqueyequeteu. Quisu manelfali llemai”.

“Chem meu no rume ta huelulequilpe tamün raquiduam itrofill meu com eimün tamün nieelchi dungu, nütramelqueafimün ta Ngünechen. Ngillatufimün, quelluen piafimün [...], fei Ngünechen tamün elueteuchi cüme tüngün yafülnieñmayaimünmeu tamün piuque” (Filipenses 4:6, 7).

Quiñe domo, Sasha pingelu, feipi: “Fill antü papeltuquefun tachi troquiñ Biblia. Fei doi llellipufilu cai ta Chau Dios, doi tüngduameleneu quisu”.

Ngüneduampeiñ ñi rupan quiñeque che. Com engün ngünam mongelen feipingün quiñeque mu, huelu maneluhuingün Chau Dios mu ca chillcatuingün Biblia, tüfa müna yafülduameleyu engün. Tüfa feipi Bill: “Com fentepui tañi mongen troquiuquefun. Huelu maneluhun Chau Ngünechen mu, fei tüfa elueneu tañi ngünam mongelen pihuenoal. Iñche nampiyaufulu rume, Chau Dios afcadinieneu” (Salmo 23:4).