PU HUECHEQUECHE ÑI RAMTUQUEEL
Tañi papeltufiel Biblia, ¿chumngechi quelluafeneu? Troquiñ 2: Adümnge tami ayühunquechi papeltuafiel ta Biblia
Quiñe pichi hueche Will pingelu, feipi: “Biblia afeluhun-ngelu troquingeafui. Huelu quimnolmi chumngechi papeltuafiel ta Biblia, femngechi raquiduamafuimi”.
Ñi doi ayüfalngeal tami papeltufiel Biblia, ¿chem chumafuimi? Tüfachi troquiñ quelluaimu.
Ayüfalngepe tami papeltufiel Biblia
Fei tüfa femafuimi ñi doi ayüfalngeal tami papeltufiel Biblia.
Dullinge quiñe rupan dungu mülelu Biblia mu ca ngüneduamfinge. Eluhuafuimi ñi estudiayafiel ñi rupan Jesús tañi mongen meu. Cafei conafuimi jw.org ca dulliafuimi quiñe afmatufalchi papeltun ñi allcütungeal.
Papeltufinge tati nütram. Quisu papeltuafuimi. Cafei nehuentun dungun mu quiñentrür papeltuafuimi tami pu familia cam tami hueni eimün.
Inayafuimi quiñeque tüfachi ngülam:
Dibujacünuafuimi ti nütram, femngechi ñi quimngeam chumngechi ñi rupan tati dungu. Huirintucunge chem rupamequei caque dibujo meu.
Papeltufilmi quiñe che mu poyequefilu ta Jehová, huirintucunge ñi chumngen ca chem ñi femün. Ca huirintucunge chumngechi ñi cümelcangen engün.
Raquiduamaimi tami nütramcamequefiel reque feichi che tripalu ti nütram meu. Cüme raquiduamnge ti nütram mu ca feipiaimi fillque dungu ñi rupan.
Raquiduamnge quiñe che mu huesacünulu ñi femün, fei ramtuunge: “¿Chem rupayafui cüme femfule?”. Raquiduamnge feichi Pedro “quimlafiñ ta Jesús” pilu (Marcos 14:66-72). Pedro femngechi huesa femnofule, ¿chem rupayafui?
Ayülmi, ca femafuimi tüfa: huirintucunge tami ngüneduamfiel tati nütram meu ca tami chumngentufiel. Ca huirintucunge tami quimürpuel chi nütram (Romanos 15:4).
¡Tami papeltufiel Biblia doi ayüfalngepe!
Amulepe tami doi quimal
Ngüneduamülmi com ñi nüucülen ti nütram mu, falinque dungu quimafuimi. Quiñeque mu quiñe cam epu palabra falin dungu quimeltuafeimu.
Trürümfinge ñi feipin Mateo 28:7 ca Marcos 16:7
Marcos ñi feipin, Jesús tañi pu discipulo tañi peaeteu ca “Pedro” cütu.
Tüfei: Marcos ngelafui peufaluulu Jesús, Pedro peno feipieyu.
Falin dungu: Jesús ayüi ñi huiño petuafiel ta Pedro, fei Pedro quimlu tüfa, ¿chumngelu tüngduamnagi? (Marcos 14:66-72). ¿Chumngechi pengeli Jesús Pedro tañi rüf hueningen? Ayülmi cüme hueningeal, ¿chumngechi inayentuafuimi ta Jesús?
Cüme ngüneduamfilmi ti nütram, doi ayühulaeimu tami papeltufiel ti Biblia.