Kimeltumekelmi Biblia mu, femkilnge tüfa:

Rumeñma dungual. Rakiduamkelayaiñ, ‘kom feypikünufemafiñ ta che’. Jesus femkefuy fillke ramtun ñi kelluafiel ta che kidu ñi kimürpual (Mt 17:24-27). Tati ramtun kellukeeiñmew ñi doy yafültukual tati nütram ka eluñmakeeiñmew ñi kimal tati chillkatukelu ñi feyentukeel ka ñi küme longkontukuniefiel ti chillkatun (be pag. 253 parr. 3, 4). Ramtufilmi tati chillkatukelu, ngenoafeluwün mu üngümkülenge tami wiñoldunguaetew. Welukünule tañi wiñoldungun mu, feypifemkefilnge ti küme wiñoldungun; doy may femnge ka kiñeke ramtun ñi kelluafiel ta küme wiñoldungual ti ramtun (be pag. 238 parr. 1, 2). Ñochikechi dungulelafimi ñi küme longkontukual weke kimeltun (be pag. 230 parr. 4).

Nütramkayal kimfalngenochi dungu. Küpa feypifilmi kom tami kimün tüfachi dungu mu, femngechi femkilnge (Jn 16:12). Tati doy falin dungu mülelu ti parrafo mu nütramkalelafimi (be pag. 226 parr. 4 puwlu pag. 227 parr. 1). Fillke dungu nütramfilmi ayüfalngeafuy rume, tati che adümlayafuy tati doy falinke dungu (be pag. 235 parr. 3). Tati chillkatukelu kimtukule ti dungu, fey ngüneduamnge kangelu parrafo.

Re wirikonkülelu müten ñi chillkatual. Iñchiñ doy falintukefiyiñ ñi puwal ta che ñi piwke mu, feymu ngelay taiñ re papeltulelafiel müten (Lk 24:32). Küme pengelkünufilmi ti doy falinke texto Biblia mu, doyümnieafimi Chaw Ngünechen ñi Dungu tañi pepiluwün (2Ko 10:4; Eb 4:12; be pag. 144 parr. 1-3). Kimelfinge adümfalchi pengelün mu (be pag. 245 parr. 2-4). Ngüneduamfinge tati pu chillkatukelu ñi chaftukeel ka tañi feyentukeel, fey küme elkünunge tami kimeltukeel kidu tañi duamnieel mu. Femngechi ramtuafuymi: “Tüfachi kimeltun mu, ¿chem rakiduamkeymi? ¿Chem kimeltukeeiñmew Chaw Jewba mu? Inaniefilmi tüfachi ngülam, ¿chumngechi kümelkayafeymu?” (be pag. 238 parr. 3-5; pag. 259 parr. 1).